ایران – اسرائیل- امریکا اورتهسیدهگی اوروش تاباره کینگهیب بارماقده. ایتیلیشیچه، ایران تامانیدن آذربایجان حدودیگه راکته هجومی عملگه آشیریلگن. بیراق ایریم تحلیلچیلر بو هجوم آرتیده آذربایجاننینگ «جان اکهسی» دیب تعریفلنهدیگن اسرائیل هم بولیشی ممکنلیگینی استثنا قیلمهیپتی.
حزبالله لبناننینگ اعلام قیلیشیچه، بو مملکتنینگ نیچه منطقهسیده اسرائیل اردوسینی نشانگه آلگن. خلقارا ییتکرمهلرنینگ بوگون (۱۸-حوت/ ۹-مارچ، دوشنبه)، گزارش بیریشیچه، حزبالله لبنان اسرائیل اردوسینی لبنان جنوبیده جایلشگن «خله المحافر» منطقهسی، «عیتارون» شهری و «سرغایا دشتی» ده نشانگه آلگن.
ایران بیلن امریکا و اسرائیل اورتهسیده ۱۰ کوندن بیری اوروش دوام ایتماقده ایکن، دنیا بازارلریده بیر بشکه نفت قیمتی ۱۲۰ دالر گه آشگن.
ایران سابق رهبری سیدعلی خامنهای اوغلی سیدمجتبی خامنهای، بو مملکتنینگ ینگی رهبری صفتیده ییتیب تعیینلندی. فارس آژانسی، ۱۷ حوت/۸ مارچ، یکشنبهدن دوشنبه گه اوتر کیچه، ایکس صحیفهسیده بیر بیانیه ترقهتیب، سیدمجتبی خامنهای خبرگان مجلسی آوازی بیلن، ایراننینگ اوچینچی رهبری صفتیده تعیینلنگنینی بیلدیردی.
فارس آژانسینینگ بوگون (۱۷-حوت/ ۸-مارچ، یکشنبه)، گزارش بیریشیچه، اسرائیل ایراننینگ نفت محصوللری تاشیلهدیگن بیر مرکز بیلن تورت ته نفت قوریلمهلرینی نشانگه آلگن.
اوکراین رسمیلری، روسیه آرقهلی بو مملکت گه اویوشتیریلگن هجوملر نتیجهسیده، ایکی باله شامل کمیده ۱۱ کیشی اولگنینی معلوم قیلگنلر.
اسرائیل ییتکرمهلری، ایران سپاه پاسدران اسرائیل گه گه قرشی راکته و دران هجوملرینینگ ینگی تولقینینی باشلهگنیدن خبر بیردیلر.
تورکی دولتلر تشکیلاتی تشقی ایشلر وزیرلری ییغیلیش اوتکزیب، بو تشکیلات گه اعضا مملکتلردن بیریگه هجوم، برچه اوچون تهدید حسابلنیشینی ایتگنلر. تورکیه تشقی ایشلر وزیری هاکان فیدان، بوگون (۱۷ حوت/۸ مارچ، یکشنبه) ایرتهلب ایکس صحیفهسیده بیر بیانیه ترقهتیب، بو تشکیلات گه اعضا مملکتلرنینگ تشقی ایشلر وزیرلری همده وکیللری استانبول شهریده نارسمی ییغیلیش اوتکزگنلرینی بیلدیردی.
ایران جمهور باشلیغی مسعود پزشکیان، ایران بیلن امریکا و اسرائیل اورتهسید اوروش دوام ایتماقده ایکن، بو مملکت هیچ قچان تسلیم بولمسلیگینی بیلدیردی.
عرب بیرلشمهسی باشکاتبی اورینباسرینینگ اعلام قیلیشیچه، «نیچه عرب مملکتلری توپراغیگه ایران آرقهلی اویوشتیریلگن هجوملر» نینگ تیکشیریلیشی اوچون، اوشبو بیرلشمهگه اعضا مملکتلر تشقی ایشلر وزیرلری، فوقالعاده ییغین اوتکزهدیلر.
خلقارا ییتکرمهلر گه کوره، اسرائيل و حزبالله لبنان حربی کوچلری اورتهسیده، اوشبو مملکتنینگ شرقی حدودلری «بقاع وادیسی»ده کوچلی توقنشوو یوز بیرگن. حزبالله گه کوره، اسرائیل حربی تیکاوچرلری سوریه توپراغیدن لبنان شرقیده بقاع وادیسی حدودلریگه کیرگچ، بو توقنشوولر باشلنگن. حزبالله گه کوره، تیکاوچرلر قونیشیدن کیین اسرائیل حربی کوچلری بقاع وادیسیده بعلبک شرقی تومنیده «نبیشیت» حدودیگه آلغه بارهیاتگن بیر پیتده، حزبالله کوچلری بیلن توقنشگن.
خوست ولایت مقامی سوزلاوچیسی مستغفر گربز، پاکستان آرقهلی ینه بیر مرته اوشبو ولایتنینگ بیر قطار حدودلری نشانگه آلینگنینی بیان قیلگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، خواف-هرات تیمیر یولی کمیسارلیگی و تیگیشلی ادارهلر اوز ایشلرینی منظم شکلده عمل گه آشیریب و بو یول آرقهلی سوداگرلیک توارلر انتقال تاپیشی بیر قیینچیلیک بولمسدن دوام قیلماقده. جناب مجاهد، بوگون (۱۵-حوت، جمعه)، اکس صحیفهسیده یازیشیچه، اوتگن کیچه ایران دن تجارتی توارلر یوکلنگن یوک تاشووچی بیر ریل هراتنینگ روزنک بیکتیگه ییتیشگن.
تورکیه جمهورلیک ریاستی ادارهسی، بوگون اوشبو مملکت جمهور باشلیغی رجب طیب اردوغاننینگ فرانسه جمهور باشلیغی امانوئل مکرون بیلن تلیفونی سوزلشگنینی معلوم قیلگن.
ایران قیزیلآی جمعیتینینگ اعلام قیلیشیچه، شنبهدن حاضرگچه اوشبو مملکت بویلب امریکا و اسرائیل کوچلری آرقهلی بیر مینگ ۳۳۲ هجوم ثبت بولگن.
چین، بوگون (۱۴-حوت/ ۵-مارچ، پنجشنبه)، ۲۰۲۶-ییلده مدافعه بودجهسینینگ ییتی فایز آشیریشینی معلوم قیلگن.
