آذربایجان پارلمانی (ملی مجلسی) اروپا پارلمانی بیلن مناسبتلرنی تولیق توختهتگنینی اعلان قیلدی.
ییتکرمهلرنینگ معلوماتیگه کوره، آذربایجان پارلمانی ۱۱ ثور/۱ می، جمعه کیچه بوندهی قرار قبول قیلگن.
باکو رسمیلریگه کوره، بونگه سبب اروپا پارلمانینینگ «آذربایجان گه ضد فعالیتی» همده تامانلر اورتهسیده مثبت ملاقاتلر آلیب باریلمسلیگی دیر. آذربایجان تامانینینگ فکریچه، اروپا پارلمانی وضعیتنی یخشیلش اورنیگه یامانلشتیرماقده، خلقارا حقوق نورمهلرینی اعتبارسیز قالدیرماقده و قریب ۳۰ ییل دوام ایتگن حدودلر اشغال قیلینگنی، ویرانگرچیلیکلر همده بیر میلیوندن آرتیق مجبوری کوچیریلگن شخصلر تقدیریگه بیفرق بولگن.
شونینگدیک، اروپا اتفاقی – آذربایجان کمیتهسی و یورونیست پارلمانی اویوشمهسی کبی همکارلیکلر فارمتلری مملکت ایچکی ایشلریگه باسیم و ارهلشوو واسطهسی صفتیده ایشلهتیلگنی تأکیدلنگن.
اروپا پارلمانی – اروپا اتفاقینینگ اساسی تشکیلاتلریدن بیری بولیب، او ییرده تورلی دولتلردن سیلنگن وکیللر ایشلهیدی. اولر قانونلر قبول قیلهدی، مهم قرارلر چیقرهدی و اروپا اتفاقی سیاستینی شکللنتیریشده قتنشهدی.
آذربایجان بو پارلمان بیلن علاقهنی شونچه کی ملاقات و همکارلیک اوچون آلیب بارگن. مثلاً سیاسی ملاقاتلر قیلیش، اقتصادی مسئلهلرنی محاکمه قیلیش، سودا و انرژی بوییچه کیلیشوولر توزیش اوچون.
شونینگدیک، بو علاقهلر آرقهلی ایکی تامان بیر-بیرینینگ تجربهسینی اورگهنیشی و مناسبتلرنی یخشیلشی کوزلنگن.
آذربایجان بیلن اروپا (اروپا پارلمانی) اورتهسیدهگی رسمی علاقهلر میلادی ۱۹۹۶ ییلده همکارلیکنینگ اساسی حجتی همکارلیک و شیریکلیک توغریسیده بیتیم امضالنگن. بو بیتیم ۱۹۹۹ ییلده کوچگه کیرگن و عینن شوندن کیین پارلمانلر ارا علاقهلر هم رسمی طرزده یولگه قوییلگن ایدی.
