جمهورلیک ریاستی نینگ بیر خبرنامه آرقهلی اعلان قیلیشیچه، اوشبو اوچرهشوو جمهورلیک ریاستیده اوتکزیلگن و ایکی تامان طالبان گروهی و افغانستان دولتی آرهسیده بولگن سوزلشوولرنینگ ایکینچی مرحلهسی نینگ زمانی و مکانی خصوصیده بحث قیلگنلر.
پکتیا و کندز امنیتی مسؤللری نینگ ایتیشلریچه، اوشبو ایکی ولایتده طالبان هجومی سبب، مردمی کوچلردن ۶ تهسی هلاک ایتیلگن.
کاپیسا امنیتی مسووللری نینگ ایتیشلریچه، ملی خوفسیزلیک و ملی پولیس کوچلری قوشمه بیر عملیات اوتکزیب، فرشته کوهستانی و ایناغهسی نینگ تروری عیبی بیلن ۴ کیشی نی قولگه آلگن.
افغانستان اسلامی جمعیت حزبی اورین باسری احمد ضیا مسعود، کابلده (سابق شوروی بیرلشمهسی نینگ ۴۱- ییل تجاوزی) نامیده اوتکزیلگن مراسمده صحبت اوتکزیب، اولکه جمهور رئیسی محمد اشرف غنی اولکهنی اداره قیلیشده قادر ایمس، تروریستی گروهلر برابریده جدی بیر شکلده کورهشیش اوچون سیاسی قدرتنی ملی مدافعه وزیرلیگیگه تاپشیریلیشی کیرهک دیگن.
ملی مصالحه عالی کینگشی نینگ ایکینچی ییغینی ۲۱ کوندن کیین سپیدار قصریده یولگه قوییلدی، اوشبو ییغینده کینگش یولاوچیلیک اعضالری اشتراک قیلگنلر. اوشبو ییغینده جهادی رهبرلردن بولمیش عبدالرب رسول سیاف و کینگش یولاوچیلیک هیاتلری صحبت اوتکریب، بوندن بویان تینچلیک اوچون کیشیلر ایری تلاش قیلمهی، بیرلیکده ملی مصالحه آدرسی تامانیدن تلاش قیلیش لازم دیگن.
جمهورلیک ریاستی نینگ اعلان قیلیشیچه، جمهور رئیس غنی امنیتی نهادلرگه سونگی کونلرده سیاسی، مدنی و اجتماعی فعاللرگه قرشی اویوشتیریلگن هجوملر عامللرینی تانیب جزالنتیریشلرینی سورهگن.
بوگون “شنبه” ساغلیقنی سقلش وزیرلیگی نینگ بیر گزارش آرقهلی ایتیشیچه، اوتگن بیر کیچه و کندوز ده کرونا ویروسیگه شبههلی ۹۷۸ کیشیدن آلینگن نمونهلر سیناودن اوتکزیلگن و بو جملهدن ۸۳ تهسی نینگ نتیجهسی ایجابی تانیلگن.
باشکنت یشاوچیلری هفته نینگ بیرینچی کونینی پارتلش سیسی بیلن باشلهدیلر. کابل شهری بوگون ایرتهلب ۳ پارتلشگه گواه بولگن.
بلخ محلی مسؤللری نینگ اوشبو واقعهنی تصدیقلب ایتیشلریچه، شولگره تومنیده ییرلشگن ملی اردو ۳- لواسی نینگ گارنیزیون قومندانی بیر پارتلش عاقبتیده هلاک ایتیلگن.
ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت بوییچه کرونا ویروسیگه چلینگنلردن ۱۳ تهسی دنیا دن اوتگن.
هرات-غور قتناو یولیده بند قالگن یولاوچیلردن بیرقطاری نینگ ایتیشلریچه، اوتگن کیچه دن بویان کمیده ۱۵۰ یولاوچی اوشبو قتناو یول نینگ، «بند بایان» منطقهسیده قلین قار یاغگنی سبب، بند قالگنلر و اولردن بیرقطاری بالهلر و عیاللر دیر.
بوگون “جمعه” مدنی فعاللردن بولمیش فرشته کوهستانی و ایناغهسی نینگ جسدی کاپیسا ولایتیده توپراققه قوییلدی. خانم کوهستانی نینگ توپراققه قویلیش مراسمیده نمایندهلر کینگشی بیرقطار عضوی، کاپیسا ولایتی کینگش اعضالری، کاپیسا، پروان، پنجشیر و کابل ولایتلری یشاوچیلریدن یوزلرچهسی اشتراک قیلگنلر.
بوگون “جمعه” جناب خلیلزاد نینگ توییتر صیحفهسیده یازیشیچه، افغانستان یشاوچیلری تینچلیک ایستهیدی. اونینگ تاکید قیلیشیچه، آتیشکیسین و سیاسی کیلیشوو جدی نیازلردن دیر و مذاکره قیلووچی طرفلرنینگ آتیشکیسین قیلینیشی مقصد ده سیاسی کیلیشووگه قول تاپیش اوچون سعی و حرکت قیلیشی کیرهک. اونینگ ایتیشیچه، آمریکا بوتوغریده ایکی طرفگه یاردم بیرهدی.
انسان حقوقیدن مدافعهچیلیک قیلهدیگن ملی و خلق ارا نهادلر گزارشیگه کوره، اوتگن بیر ییل جریانیده انسان حقوقی مدافعهچیلری و مدنی فعاللردن ۲۳ تهسی هلاک ایتیلگن.
خبرچیلر ترور رقمی کوپهیگنی و اولکهده خبرچیلیک وضعیتی یمان بولگنیدن سونگ، بوگون معلومات و مدنیت وزیرلیگی کابلده خبری بیر ییغین اوتکزیب، اولکه خبرچیلری نینگ خوفسیزلیگینی تامینلش اوچون ینگی برنامه قولگه آلگنیدن خبر بیرگن.
بوگون “پنجشنبه” ساغلیقنی سقلش وزیرلیگی نینگ بیر گزارش آرقهلی ایتیشیچه، اوتگن بیر کیچه و کندوز ده کرونا ویروسیگه شبههلی ۲ مینگ و ۵۶۸ کیشیدن آلینگن نمونهلر سیناودن اوتکزیلگن و بو جملهدن ۲۳۴ تهسی نینگ نتیجهسی ایجابی تانیلگن.
