بوگون “جمعه” مدنی فعاللردن بولمیش فرشته کوهستانی و ایناغه‌سی نینگ جسدی کاپیسا ولایتیده توپراققه قوییلدی. خانم کوهستانی نینگ توپراققه قویلیش مراسمیده نماینده‌لر کینگشی بیرقطار عضوی، کاپیسا ولایتی کینگش اعضالری، کاپیسا، پروان، پنجشیر و کابل ولایت‌لری یشاوچی‌لریدن یوزلرچه‌سی اشتراک قیلگنلر.
فرشته کوهستانی و ایناغه‌سی اوتگن “پنجشنبه” کونی شام چاغیده، موترسایکل گه بولگن ناتانیش قوراللی کیشی‌لر تامانیدن کاپیسا ولایتی نینگ حصه اول تومنیده اوققه توتیلگن ایدی.
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
خانم کوهستانی نینگ تروری مملکتده جدی واکنش‌لر بیلن روپه‌ره بولگن.
ملی مصالحه کینگشی باشلیغی عبدالله عبدالله و مملکت سابق جمهور رییسی حامد کرزی فرشته کوهستانی نینگ ترورینی قاره‌لگنلر.
ایتیلیشیچه، سونگی پیت‌لرده خبرچی‌لر، مدنی فعاللر و انسان حقوقی مدافعه‌چی‌لری نینگ هدفلی ترورلری مملکت گه کوپه‌یگن. سونگی ایکی آی جریانیده ۵ خبرچی، قطار قاره‌لاوچی، انسان حقوقی مدافعه‌چیسی و مدنی فعال مملکتده ترور قیلینگن.
