کاپیسا امنیتی مسووللری نینگ ایتیش‌لریچه، ملی خوفسیزلیک و ملی پولیس کوچ‌لری قوشمه بیر عملیات اوتکزیب، فرشته کوهستانی و ایناغه‌سی نینگ تروری عیبی بیلن ۴ کیشی نی قولگه آلگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو حربی عملیات اوتگن شنبه کونی توشدن کیین کاپیسا ولایتی نینگ حصه اول کوهستان تومنی‌نی «ده‌نو» قشلاغیده یولگه قوییلگن.
مذکور منبع، قولگه آلینگن کیشی‌لرنینگ هویتی خصوصیده معلومات بیرمه‌گن، لیکن تیکشیریلیش اوچون ملی خوفسیزلیک ریاستی‌گه انتقال بیریلگنی‌نی بیلدیرگن.
اوتگن کونی مملکت ایچکی ایشلر وزیرلیگی، خانم کوهستانی و ایناغه‌سی نینگ اولیمی‌ده قولی بولگن ۲ کیشی نینگ کاپیسا ولایتیدن قولگه آلینگنی‌نی بیلدیرگن ایدی.
مدنی فعاللردن بولمیش فرشته کوهستانی و ایناغه‌سی اوتگن هفته “پنجشنبه” کونی شام چاغی، کاپیسا ولایتی نینگ حصه اول کوهستان تومنی نی ده‌نو منطقه‌سیده موترسایکلده بولگن ناتانیش قوراللی کیشی‌لر تامانیدن ترور قیلینگن ایدی.
فرشته کوهستانی و ایناغه‌سی نینگ اولیمی کوپینچه ایچکی و تشقی واکنیش‌لر بیلن دوچ کیلگن.
