کابل شهری دولتی مکتبلردن فارغ بولگن قیز اوقووچیلردن قطاری نینگ ایتیشلریچه، فارغ بولگنلریدن ایکی_اوچ اوتسه ده؛ بیراق شهادتنامهلرینی حاضرگچه آلیشه آلمهگن. اولر گه کوره، شهادتنامه هر بیر اوقووچی نینگ مسلم حقی دیر و پولینی مکتبلری نینگ سرمعلملری گه توللشگن، بیراق حاضرگچه آلیشه آلمهگن.
غور امنیه قوماندانلیگی نینگ مطبوعاتی دفتری بیر بیانیه ترقهتیب ایتیشیچه، سهشنبه کیچه، ۲۳ حوت، اوشبو ولایت نینگ چهارسده تومنی «قلعهی گهر» قیشلاغیده بیر کیشی تورموش اورتاغینی تفنگچه بیلن اوققه توتیب اولدیرگن. غور امنیه قوماندانلیگی مطبوعاتی دفتری نینگ بیانیهسیده، مذکور واقعه قندهیلیگی حقیده معلومات بیریلمهگن.
فاریاب ده بیر عیال، مرگ موش ییب حیاتی گه نقطه قویگن. اوشبو واقعه سهشنبه کونی، ۲۳ حوت، عصر چاغی مذکور ولایت نینگ بلچراغ تومنی «قورچی» قیشلاغیده یوز بیرگن.
اوزبیکستان جمهور باشلیغی شوکت میرضیایف، تورکیه دولت رهبری رجب طیب اردوغان نینگ تکلیفی گه بناً، بوگون (چهارشنبه، ۲۴ حوت) تورکیه گه سفر قیلگن.
آسترالیا صلح و اقتصاد انستیتوتی، ۲۰۲۲_ییل ده دنیا بویلب تروریزم وضعیتینی تیکشیرگن ایتیشیچه، افغانستان اون مملکتارا تروریزم دن ضرر کورگن مملکتلردن بیری دیر.
ینگی ییل ییتیب کیلیشی عرفهسیده، کابل شهری بادامباغی ده ایکینچیلیک، سوغاریش و چاروهچیلیک وزیرلیگی تامانیدن ایکینچیلیک محصولاتلر نینگ ۲۸_دور کورگزمهسی آچیلگن و تورت کونگچه دوام تاپیشی کوتیلهدی.
کابل یشاوچیلریدن قطاری، شهری موترلر کرایهسی یوقاریلیگیدن شکایت قیلیب ایتیشلریچه، هیداوچیلر یول حقینی اوز باشیمچهلیک شکلده تعیین قیلهدیلر.
فراه خوفسیزلیک مسئوللری نینگ ایتیشلریچه، سهشنبه کونی، ۲۳ حوت، اوشبو ولایت نینگ شیبکوه تومنی «کاریز مردان» قیشلاغیده بیر یاش ییگیت خودکشلیک قیلگن.
تخار دشت قلعه تومنیده «النگ» مکتبی قوریلیشیدن ۲۰ ییل اوتماقده، اوشبو مکتب ده بیر مینگ ۵۰۰ قیز و اوغیل باله تعلیم بیلن مصروف دیر، ینگیلیکده مذکور مکتب نینگ اطراف دیوارلرینی قیته قوریلیش ایشی محل یشاوچیلری و خارج دهگی بیرقطار یاشلر نینگ یاردمی بیلن باشلنگن.
دایکندی دهگی محلی منبعلر، اوشبو ولایت مرکزی نیلی شهری و میرامور تومنیده علیحده ایکی ترافیکی حادثه ده بیر عیال شامل اوچ کیشی هلاک بولگنی و بیر باله شامل ۱۱ کیشی یرهلنگنیدن خبر بیرهدیلر.
تخار دهگی محلی منبعلر نینگ سلاموطندار گه ایتیشلریچه، اوشبو ولایت ده «پیکپ» رسوملی بیر موتر چپه بولیشی عاقبتیده ۱۷ کیشی هلاک بولگن و باشقه ۵ کیشی یرهلنگن. مذکور حادثه بوگون (چهارشنبه، ۲۴ حوت) ایرتهلب ساعت ۸:۰۰ اطرافی ده، تخار ولایتی چاهآب تومنی «انجیر» قیشلاغیده یوز بیرگن.
اوزبیکستان دولت رهبری شوکت میرضیایف، ایرته (چهارشنبه، ۲۴ حوت) تورکیه گه سفر قیلیشی کوتیلهدی.
پروان مرکزی چاریکار شهری یشاوچیلریدن قطاری نینگ ایتیشلریچه، کوزلرینی آچیب یومگونچه، موترلری اوغیرلنهدی و شونینگدیک اوشبو واقعهلردن کوپینچهسی ایسه کون جریانیده یوز بیرهدی.
کابل شهریدهگی ایشلاوچیلردن قطاری نینگ ایتیشلریچه، ایشسیزلیک و قشاقلیکدن زیریککنلر و هفتهده اوچ یا-ده تورت کون آخشم پیتلری اوی گه هیچ نرسه آلیب باره آلمهیدیلر.
پروان امنیه قوماندانلیگی مسئوللری، اوشبو ولایت ده ۱۴ یاشر بیر یاش ییگیت، نامعلوم قوراللی کیشیلر تامانیدن اولدیریلگنیدن خبر بیرهدیلر.
افغانستان مرکزی بانکی بوگون (سهشنبه، ۲۳ حوت) اوز توییتری ده یازیشیچه، افغانستان گه چیت ایل مملکتلر نینگ انسان پرورلیک یاردملری دوام ایتر ایکن، ینه ۴۰ میلیون دالرلیک نقدی یاردم کابل گه ییتیب کیلگن. مذکور بانک نینگ کوپهیتیریشیچه، افغانستان گه انسان پرورلیک یاردملر بیر بولیمی اولهراق اوشبو پوللر، کابل ده سوداگرلیک بانکلردن بیری…
