بدخشان ده بیر عیال نامعلوم شکلده اولدیریلدی
بدخشان محلی مسئوللری، اوشبو ولایت نینگ راغستان تومنی «روینج» قیشلاغیده بیر عیال نامعلوم شکلده اولدیریلگنینی ایتهدیلر.
بدخشان محلی مسئوللری، اوشبو ولایت نینگ راغستان تومنی «روینج» قیشلاغیده بیر عیال نامعلوم شکلده اولدیریلگنینی ایتهدیلر.
غور امنیتی رسمیلری، اوشبو ولایت نینگ لعلوسرجنگل تومنی «سری آسیاگک» قیشلاغیده بیر باله اوزینی دار گه آسیب اولدیرگنیدن خبر بیرهدیلر.
غزنی طبیعی آفتلرنی باشقریش ایشلری بوییچه رسمیلری، اوشبو ولایت نینگ واغظ تومنیده چقماق/مامه قلدیراق یوز بیریشی باعث اوچ باله اولیب و یرهلنگنیدن خبر بیرهدیلر.
تورکیه تشقی ایشلر وزیری مولود چاووش اوغلو گه کوره، تورکیه سودان ده آتش کیسین برقرار ایتیلیشی اوچون اوشبو مملکت دهگی اوروش تامانلری بیلن مذاکره قیلماقده دیر. او نینگ کوپهیتیریشیچه: «سودان دهگی اوروش تامانلری ایناغه لریمیز دیر. بیز بو ییرده نیگه طرف بولهیدیک، آتش کیسین برقرار ایتیلیشی اوچون ایکی تامان بیلن مذاکره قیلماقدهمیز.»
بیرلشگن ملتلر تشکیلاتی و اسلام امیرلیگی ارا قرمه قرشیلیکلر دوام ایتر ایکن، اوشبو تشکیلات باش کاتبی نینگ اورین باسری امینه محمد گه کوره، بیرلشگن ملتلر تشکیلاتی نینگ باش کاتبی آنتونیو گوترش افغانستان اوچون قطار مملکتلر نینگ مخصوص نمایندهلری بیلن اوچرهشیب و اسلام امیرلیگی تن آلینیشینی محاکمه قیلهدی.
افغانستان ده بیرلشگن ملتلر تشکیلاتی نینگ ترقیاتی برنامهسی یا-ده (UNDP)، ۲۰۲۳-ییلده افغانستان نینگ اجتماعی و اقتصادی وضعیتی خصوصیدهگی گزارشیده ایتیشیچه، اوشبو مملکتده قشاقلیک سطحی ایکی برابر بولگن و افغانستان ده نیازمندلر سانی ۳۴ کیشی گه ییتیشگن.
کابل شهریده عیاللردن قطاری نینگ ایتیشلریچه، عیاللر یوزی گه پارکلر ایشیگی یاپیلیشی بیلن، اولر اوز ساغلیکلری اوچون پارکدن تشقریده سپورت قیلیش گه مجبور بولگنلر. کابل شهری کارتهینو منطقهسی یشاوچیسی خدیجه نینگ ایتیشیچه، بوندن آلدین وزنی نینگ کوپلیگی اوچون پارکلر گه باریب سپورت قیلهر ایکن…
تخار دهگی محلی منبعلر نینگ سلاموطندار گه ایتیشلریچه، یکشنبه کونی، ۲۷ حمل، اوشبو ولایت نینگ خواجهغار تومنی گه قرهشلی «هزارباغ» قیشلاغیده آلتین کانی چپه بولیشی عاقبتیده، اوچ کانچی توپراق آستیده قالگن و اولر نینگ تقدیری حاضرگچه نامعلوم دیر.
کابل شهری ده حکومت نینگ اطلاعات و میدیالر مرکزی ده مطبوعاتی ییغیلیش اوتکزگن شهرلر و اوی_جایلرنی قوریش وزیرلیگی نینگ مسئوللری، ۱۴۰۱_ییل ده اوشبو وزیرلیک نینگ درآمدی ۱۱ فایز کوپهیگنیدن خبر بیرهدیلر.
قطر نینگ ۶۰ تُنلیک انسان پرور یاردملری بوگون (سهشنبه، ۲۹ حمل) افغانستان گه ییتیب کیلگن. قطر تشقی ایشلر وزیرلیگی نینگ دیپلماتلریدن بیری، اوشبو یاردملرنی تاپشیریش مراسمی ده ایتیشیچه، مذکور مملکت دولتی افغانستان نینگ معارف وزیرلیگی گه خرما، قرطاسیه، قیز و اوغیل اوقووچیلر گه مکتب کییم_کیچگی شامل ۶۰ تُن ضروری مواد یاردم بیرگن.
لوگر مرکزی پلعلم شهری حدودلریدهگی قیشلاق یشاوچیلریدن قطاری، مذکور ساحهلرده قیز اوقووچیلر گه باشلنغیچ مکتبلر یوقلیگیدن شکایت قیلهدیلر.
ارزگان امنیتی مسئوللری نینگ ایتیشلریچه، دوشنبه کونی، ۲۸ حمل، اوشبو ولایت مرکزی ترینکوت شهری ده آتیب اولدیریلگن بیر عیال نینگ جسدی تاپیلگن.
بیرلشگن ملتلر تشکیلاتی، سودان ده اوچ کوندن بویان دوام ییتیب کیلهیاتگن توقنشوولر تلفاتی آشیشیدن خبر بیریب ایتیشیچه، اوشبو توقنشوولر عاقبتیده ۱۸۰ دن آرتیق کیشی هلاک بولیب و کمیده بیر مینگ ۸۰۰ کیشی یرهلنگن.
پروان قیشلاقلر نی رواجلنتیریش و قیته قوریش ریاستی مسئوللری، خلقارا آزیق-آوقات تشکیلاتی آرقهلی پروان نینگ نیچه تومنیده ۹۷۲۵ نیازمند عایله گه ییگولیک ماده ترقهتیلگنیدن خبر بیرگنلر.
قان ملی بانکی مسئوللری دوشنبه کونی، ۲۸ حمل، کابل شهری ده ساغلیقنی سقلش وزیرلیگی تامانیدن «خلقارا هیموفیلیا» کونی مناسبتی بیلن یولگه قوییلگن ییغیلیش ده ایتیشیچه، حاضر مملکت بویلب اوشبو کسللیککه چلینگنلر سانینی انیقلش اوچون تیکشیرو اوتکزیلمهگن، بیراق اوچ مینگ دن آرتیق کیشی مذکور کسللیککه چلینگن.
اسلام امیرلیگی منطقه مملکتلری بیلن دیپلماتیک مناسبتینی کینگهیتیریش مقصدیده سعیوحرکت قیلماقده ایکن، اسلام امیرلیگی سوزلاوچیسی گه کوره، مذکور مملکت تشقی ایشلر وزیرلیگی بیلن سابق حکومت دیپلماتلری نینگ فعالیتی و هماهنگلیگی گه علاوه، اولر حاضرگچه ۱۰ دن آرتیق مملکت گه دیپلمات و ینگی ایلچی یوباریشگن.