کانادا حکومتی نینگ ایتیشیچه، افغان قاچقین‌لرینی انتقال بیریش پروسه دوام ایتماقده و هر هفته‌ده یوزلرچه افغان مهاجرلری پاکستان و تاجکستان مملکت‌لریدن کانادا گه انتقال بیریله‌دی.
بیزلرنینگ فیسبوک صحیفه‌میزگه باش اورینگ!
کانادا نینگ مهاجرلر ایشلری بوییچه وزیری شان فریزر نینگ ایتیشیچه، افغانستانده «طالبان» گروهی حاکم بولگن‌دن حاضر گچه ۱۲۵۰۰ گه ییقین افغان مهاجرلری اوشبو مملکت‌ده انتقال بیریلیب و کانادا نینگ تورلی شهرلریده جایلشتیریلگنلر.
عین‌حالده، او توییتر صحفه‌سیده یازیشیچه، افغان مهاجرلری نینگ سونگی، ۳۳۶ کیشی‌لیک بیر گروهی شنبه کونی پاکستان مملکتیدن کانادا نینگ تورنتو شهریده انتقال بیریلگن.
جناب فریزر نینگ کوپه‌یتیریشیچه، مذکور کیشیلر افغانستانده، کانادا بیلن همکارلیک قیلگن کیشیلر ایدیلر که اولر نینگ قیلگن ایش – فعالیت‌لری تقدیرگه سزاوار.
بیزلرنینگ توییترده هم تعقیب قیلینگ!
شونینگدیک کانادا مهاجرلر ایشلری بوییچه وزیری نینگ کوپه‌یتیریشیچه، اولر افغانستانده، کانادا کوچلری بیلن بیرگه ایش قیلگن افغانلر و حیات‌لری خوف آستیده بولگن خبرچیلر و مدنی فعاللرنی انتقال بیریش خصوصیده بیرگن وعده‌لرینی عملی قیلگنلر.
ایتیش کیره‌ک دیر کیم کانادا، کیله‌سی میلادی ییل نینگ اخیریگچه افغانلردن ۴۰ مینگ کیشینی اوشبو مملکت‌ده انتقال بیریش خصوصیده تعهد قیلگن دیر.
