اوکراین دهگی وضعیت کیسکین‌لشیدن کیین، کانادا تشقی ایشلر وزیرلیگی فقرالریدن اوشبو مملکت‌نی تیزلیک بیلن ترک ایتیش لرینی طلب قیلگن. آناتولی آژانسی گه کوره، کانادا تشقی ایشلر وزیرلیگی بوگون کانادالیکلردن روسیه تهدیدلری و قورالی توقنه‌شیش خوفی آشر ایکن اوکراین‌دن چیقیش بویروغینی صادر ایتگن.
کانادا تشقی ایشلر وزیری ملانی جولی بیانیه آرقه‌لی ایتیشیچه، اوکراین وضعیتی‌نی نظارت قیلماقده‌لر، کانادا نینگ اوکراین دهگی برچه فقرالری، اوشبو مملکت‌نی تیزلیک بیلن ترک ایتیش اوچون چاره کوریش‌لری کیره‌ک. او کاناد یشاوچیلریدن اوکراین گه سفر قیلمسلیکلرینی طلب قیلگن.
بیزلرنینگ فیسبوک صحیفه‌میزگه باش اورینگ!
کانادا تشقی ایشلر وزیری نینگ اورغولشیچه، اوکراین ده دیپلوماتیک فعالیت‌لری گه دوام بیره‌دیلر؛ بیراق بو فعالیت محدود بولیشی ممکن.
اوکراین چیگره‌لریده روسیه و ناتو آره سیده‌گی کیسکین‌لیک لردن کیین، کانادا باش وزیری جاستین ترودو نینگ ایتیشیچه، روسیه اوکراین گه احتمالی هجوم قیلگن تقدیرده، آغیر تاوان توللنه‌دی.
بیزلرنینگ توییترده هم تعقیب قیلینگ!
کانادا فقرالری گه اوکراین‌نی ترک ایتیش بویروغینی بیرگن بیرینچی مملکت ایمس. اوتگن کونی آمریکا فقرالریدن اوکراین‌دن تیزلیک بیلن چیقیش لرینی سوره‌گن ایدی.
