بوگون ۱۷ اسد ۱۰ محرم کونی گه ماس دیر، مملکت یشاوچیلری اینیقسه شیعه‌لر خوفسیزلیک‌لریدن تشویش ده بولسه‌لرده، بیراق بوکون عزادارلیک قیلدیلر.
کابل غربی قسمیده خاتم‌الانبیا حسینیه ده اسلامی امارت سرپرست حکومتی رسمی‌لریدن قطاری نینگ حضوری بیلن مینگلب حسینی عزادار، اوشبو کوندن نشانله‌دیلر.
اوشبو مراسمده افغانستان نینگ شیعه‌لر دین عالم‌لری، وحدت و اتفاق‌نی عاشورا پیام‌لریدن دیب، مملکت نینگ ترقیاتی و آبادانچیلیگی اوستیگه تأکید ایتدیلر.
بیزلرنینگ فیسبوک صحیفه‌میزگه باش اورینگ!
مذکور مراسمده افغانستان شیعه‌لر عالم‌لری نینگ اتفاق مسئولی سیدحسین فاضل‌زاده نینگ ایتیشیچه: «اسلام تبعیض و فاصله‌لر گه قرشی دیر، تعصب و حزب باز‌لیک بو وطندن یوق ایتیلیب و مملکت ملت‌سازلیک و وطن‌سازلیک تامان سوق بیریلیشی درکار.»
بو ییل عاشورا مراسمی عین‌حالده اوتکزیلماقده که، افغانستان سونگی بیر ییل ده حربی و سیاسی بویوک اوزگریش گواهی ایدی.
اوشبو مراسمده اشتراک ایتگنلر، مملکت ده موجود سیاسی و اقتصادی قیینچلیک‌لر گه اشاره قیلیب، اولکه یشاوچیلرینی اتفاق‌لیک و برادرلیککه چقیردیلر.
تشقی ایشلر وزیرلیگی نینگ سیاسی معینی شیرمحمدعباس استانکزی نینگ ایتیشیچه: «امام حسین اوزیدن قالدیرگن یول_یوروغ‌لری اساسیده، طرفدارلری وطن و مملکت نی قوتقریش اوچون هر قنده‌ی قربان‌لیککه تیار دیر.»
بیزلرنینگ توییترده هم تعقیب قیلینگ!
برچه‌سی بیلن، اوتگن هفته چهارشنبه دن بویان، کابل نینگ غربی قسمی شیعه‌لر منطقه‌سیده نیچه خوفسیزلیک واقعه یوز بیردی.
گزارش‌لر اساسیده، جمعه و شنبه کون‌لری کابل نینگ سرکاریز و پل سوخته منطقه‌لریده یوز بیرگن واقعه‌لرده، اونلب کیشی اولیب و یره‌لنگنلر.
اون محرم یا عاشورا، شیعه‌لر نینگ مخصوص مناسبتی کونلریدن حسابلنه‌‌دی که اولر، هر ییلی مراسم یولگه قوییب بوکوندن نشانله‌یدیلر.
