اسلام امیرلیگی تامانیدن قیز اوقوچیلر تعلیمی و عیاللر ایشی توخته‌تیلیشیدن کیین، قطار نهادلر قیز اوقووچیلر گه آنلاین اورگه‌تیش برنامه‌لرنی یولگه قوییشگه قرار قیلگنلر.
دنیا بویلب چمه‌سی ۲۰۰ بیلیم یورت و علمی مؤسسه بیلن یقیندن همکارلیک قیلیب و آنلاین روشده فعالیتی بولگن بریتانیالیک نهاد «FutureLearn» بیر بیانیه ترقه‌تیب ایتیشیچه، افغان قیز اوقووچیلری یوزی گه مکتب و بیلیم یوت‌لر ایشیگی آچیلگونچه، قیسقه و مسلکی تعلیم زمینه‌سینی یره ته‌دی.
مذکور نهاد باشلیغی جوجانسون نینگ ایتیشیچه: «انترنت دن فایده‌لنه آله‌دیگن قیزلر اوچون حل یول بولیشی ممکن. عین‌حالده، انترنت ضعیف‌لیگی، قشاق‌لیک و تیل قیینچیلیگی باعث، قطار اوقووچیلر بو امکانیتدن فایده‌لنه آلمه‌یدی.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، انترنت گه قول تاپه آلمسلیک و انگلیس تیلینی بیلمسلیک، بو گَل برنامه‌لر نینگ فایده‌سی بولمسلیککه سبب بوله‌دی.
کابل بیلیم یورتی جامعه‌شناسلیک فاکولته‌سی نینگ ییتینچی سمستر طلبه‌سی طاهره گه کوره، قیز اوقووچیلر نینگ تعلیمی توخته‌تیلیشی باعث، او کابل دن غور ولایتی لعل‌وسرجنگل تومنی ده اوز اویی گه باریش گه مجبور بولگن.
طاهره، اشتراک ایتیش توانی بولگن قیز اوقووچیلر گه بو کبی برنامه‌لر یولگه قوییلیشینی خوش قرشی‌لسه ده، لیکن اوزی فایده‌لنه آلمسلیگیدن خفه دیر.
او نینگ سلام‌وطندار گه ایتیشیچه: «بو برنامه عالی دیر، قیز اوقووچیلر هیچ بولمسه آنلاین درس اوقیش‌لری ممکن؛ چونکه قیزلر نینگ درس اوقیشی لازم لیکن کوپ سانده قیزلر نینگ انترنتی یوق‌لیگی باعث اوندن فایده لنه آلمه‌یدیلر.»
شونینگدیک، توقیزینچی صنف اوقووچیسی ظریفه، مکتب‌لر ایشیگی آچیلیشیدن امیدسیز دیر ایتیشیچه: «بیز گه درس اوقیش فرصتی یره‌تیلیشیدن جوده هم خورسند من.»
قیز اوقووچیلر نینگ تعلیمی و ایچکی و خارجی مؤسسه‌لرده عیاللر نینگ ایشی توخته‌تیلیشی قراری دن کوپ تنقید بولسه ده، لیکن اسلام امیرلیگی اوشبو قرارینی حاضرگچه بیکار قیلمه‌گن.
بیزلرنینگ توییترده هم تعقیب قیلینگ!
عین‌حالده، عیاللر حقوقی فعالی معصومه حسینی، قیز اوقووچیلر نینگ تحصیلی آنلاین تعلیم‌لر بیلن محدود بولمسلیگی اوستیگه تأکید ایته‌دی.
اونینگ کوپه‌یتیریشیچه: «یالغیز آنلاین تعلیم‌لر گه سوینمسلیک لازم، قیز اوقووچیلر نینگ تعلیمی اوچون دادخواهی‌لیک بولیشی کیره‌ک.»
ایتیش کیره‌ک که، اسلام امیرلیگی تامانیدن قیز اوقووچیلر و عیاللر ایشی توخته‌تیلیشیدن کیین، ایچکی تعلیمی مرکزلردن بیرقطاری، آنلاین روشده تعلیمی برنامه‌لرنی آلغه آلیب بارماقده دیر.