افغانستان برق یېتکزیش شرکتی (برشنا) برق ایشلب چیقریش و انجنیرلرنینگ ظرفیتینی آشیریش اوچون اۉزبېکستان و قرغیزستان «صدف برق» شرکتی بیلن شرطنامه امضالهگن.
برشنا، (۲۳-سرطان، دوشنبه) ایکس صحیفهسیده بیر بیانیه ترقهتیب بو حقده خبر بیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، اوشبو شرطنامه افغانستان برق یېتکزیش شرکتنینگ اجرائیه عمومی باشلیغی عبدالباری عمر و اۉزبېکستان و قرغیزستان گه تیگیشلی «صدف برق» شرکتی باشلیغی علیشیر آرهسیده امضالنگن.
شرطنامه اساسیده، مذکور شرکت برق ایشلب چیقریشده سرمایه یاتقیزیش و انجنیرلرنینگ ظرفیتینی آشیریشده سرمایه یاتقیزهدی.
اۉزبېکستان و قزاقستان سرمایه یاتقیزووچیلریدن بیرقطاری، افغانستان برشنا شرکتینینگ اجرائیه عمومی باشلیغی بیلن اوچرهشووده، بو مملکتده برق ایشلب چیقریش بولیمیده سرمایه یاتقیزیش گه قیزیقیشلرینی معلوم قیلگن اېدی.
بیزلرنینگ «ایکس» ترماغی ده هم تعقیب قیلینگ!
عبدالباری عمر هم، مذکور ایکی مملکتنینگ سرمایه یاتقیزووچیلریگه، هر تامانلمه همکارلیک قیلیش وعدهسینی بیرگن.
افغانستان برق یېتکزیش شرکتی، بوندن آلدین خلقارا شرکتلر جملهدن تورکیه و چک جمهوریتی شرکتلری بیلن برق ایشلب چیقریش، ظرفیتنی آشیریش، سرمایه یاتقیزیش ساحهلریده شرطنامه امضالهگن و حاضرگی کونده اوشبو لایحهلردن بعضیلرینینگ اوستیگه ایش آلیب باریلماقده.
