باله‌لردن حفاظت قیلووچی صندیغی یا-ده (Save the children)، نینگ ایتیشیچه، افغانستان ده قیش یاردم فعالیتلرینی عمل‌گه آشیریش اینیقسه جاری ییل اوشبو مملکت‌ده یوز بیرگن سوو تاشقین‌لردن زیان کورگن عایله‌لر گه یاردم بیریش اوچون ۴.۲ میلیون دالر بودجه کم‌لیگی بیلن روپه‌ره‌لر.
مذکور صندیق ۲۰-عقرب، یک‌شنبه کونی اوز اکس صحیفه‌سیده ایتیشیچه، سوو تاشقین‌لریدن زیان کورگن ۱۸ مینگ عایله اینیقسه باله‌لر، کیله‌سی قیش‌ده نقدی یاردم‌لر، ساغلیق و تعلیمی خذمتلر ارائه‌سی گه نیازلری بار؛ بیراق حاضر ایسه بو صندیق ۲۰ مینگ باله شامل ۶ مینگ عایله گه یاردم بیره آله‌دی.
بیزلرنینگ فیسبوک صحیفه‌میزگه باش اورینگ!
بو توغریده افغانستان ده باله‌لردن حفاظت قیلووچی صندیغی نینگ انسان‌پرورلیک ایشلری بوییچه مدیری چارتی لوکایا نینگ ایتیشیچه: «حاضرگی کونده قیش یاردملرنی یالغیز آلتی مینگ عایله اوچون نظرگه آلینگن و بونگه قریب ۲۰ مینگ باله شامل بوله‌دی؛ قهرتان قیش‌ده عایله‌لر امکانیت‌لردن فایده‌لنیشی اوچون باشقه مملکتلردن، بیز بیلن همکارلیک قیلیش‌لرینی ایسته‌یمیز.»
شونینگدیک باله‌لردن حفاظت قیلووچی صندیغی نینگ اورغولشیچه، هماهنگ‌لیک تیملری نینگ تیکشیرووی اساسیده، افغانستان بویلب قیش موسومی نیازلری گه جواب‌گرلیک اوچون بیر میلیارد دالر گه نیازلر بار.
عین حالده، جاری ییل مملکت نینگ قطار ولایتلریده سوو تاشقین‌لریدن زیان کورگن عایله‌لردن قطاری، یامان اقتصادی وضعیت‌دن شکایت قیلیب و سلام‌وطندار گه ایتیشلریچه، حاضرگچه کیله‌سی قیش موسومی اوچون هیچ قنده‌ی تیارگرلیک آلمه‌گنلر.
بدخشان ولایتی یشاوچیسی احمد تواب نینگ ایتیشیچه: «اوشبو جاری ییل‌ده سوو تاشقینلری طفیلی کوپ زیان کوردیک. ییرلریمیز گه نرسه ایککن ایدیک و اولر بوزیلدی، اوی‌لریمیز ویران بولدی و کیله‌سی قیش موسومی‌ده اویی‌میز یوق و حیات کیچیریش قیین بولگن. عایله‌ده ۱۲ کیشی‌میز. درست شکلده یاردم بیریلمه‌گن و ایسیتغیچ و یاغاچیمیز هم یوق. نهادلردن بیزلر گه یاردم بیریلیشینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ
شونینگدیک بغلان یشاوچیسی غلام نینگ ایتیشیچه: «برچه نرسه‌میز سیل گه آقیب کیتدی و کوپ قیین‌چیلیکده قالگن‌میز. قیش هم کیلدی و اهالی نینگ یاقیلغی ماده‌سی یوق. ایش هم یوق که باریب مزدورکارلیک قلسه‌ک. ۱۰ کیشی‌لیک بیر عایله‌میز. قیش اوچون هیچ بیر نرسه‌میز یوق.»
ایتیش کیره‌ک که، بوندن آلدین بیرلشگن ملتلر تشکیلاتی نینگ انسان‌پرورلیک یاردملرنی هماهنگ قیلووچی اداره‌سی یا-ده اوچا، کیله‌سی قیش موسومی‌ده افغانستان نینگ جدی شکلده زیان کوریشی‌دن خواطر بیلدیرگن.
