باله‌لردن حمایت قیلووچی تشکیلات (Save the Children) باش مدیری دیوید رایت، یک‌شنبه کونی، ۲۵ جدی، افغانستان نینگ عیاللر گه ایش گه باریش رخصتی بیریلگن منطقه‌لریده بعضی فعالیت‌لرینی قیته دن باشله‌یدی.
باله‌لردن حمایت قیلووچی تشکیلات باش مدیری نینگ کوپه‌یتیریشیچه: «اسلام امیرلیگی اقتصاد وزیرلیگی تامانیدن نادولتی مؤسسه‌لر ده عیاللر ایشی توخته‌تیلیشی بیلن، باله‌لردن حمایت قیلووچی تشکیلات اوز فعالیت‌لرینی توخته‌تدی.»
بیزلرنینگ فیسبوک صحیفه‌میزگه باش اورینگ!
دیوید رایت گه کوره، اساسی شکلده فعالیت قیلیش اوچون اوشبو تشکیلات نینگ عیال ایشلاوچیلری ایشگه قیتیشی ضروری دیر و باله‌لردن حمایت قیلووچی تشکیلات نینگ عیال ایشلاوچیلری بولمه‌گنده، قولی‌لیک بیلن فعالیت قیله آلمه‌یدی.
اونینگ ایتیشیچه، افغانستان ده باله‌لردن حمایت قیلووچی تشکیلات نینگ ۵۰ فایز ایش کوچینی عیاللر تشکیل بیره‌دی، عیاللر گه خدمت قیلیش اوچون اولر نینگ حضوری جوده هم مهم دیر.
دیوید رایت نینگ سوزلری گه کوره، افغانستان ده باله‌لردن حمایت قیلووچی تشکیلات نینگ ینگی فعالیت‌لری، اوشبو نهاد نینگ فعالیت‌لریدن بیر قسمینی تشکیل بیره‌دی، ساغلیک، آوقاتلنیش و تعلیم ساحه‌لریده فعالیت قیله‌دی.
بیزلرنینگ توییترده هم تعقیب قیلینگ!
باله‌لردن حمایت قیلووچی تشکیلات، افغانستان ده ایچکی و خارجی نادولتی مؤسسه‌لرده عیاللر نینگ ایشی توخته‌تیلیشی گه دایر اسلام امیرلیگی نینگ قراری دن کیین، مملکت مقیاسیده فعالیت‌لرینی توخته‌تدی.
