بیرلشگن ملت‌لر تشکیلاتی نینگ خوفسیزلیک کینگشی، بیر بیانیه ترقه‌تیب، افغانستان ده تعلیمی مرکزلر گه هجوم اویوشتیریلیشی و اوقووچیلر نشانگه آلینیش عاقبتیدن خواطر بیلدیرگن.
مذکور نهاد بوگون (شنبه، ۹ میزان)، بیربیانه ترقه‌تیب اوتگن کون کابل غربی قسمیده اویوشتیریلگن خودکش هجوم قربانی‌لری نینگ عایله اعضالری بیلن قیغوداشلیک بیلدیریب ایتیشیچه، اوشبو هجوم عامل‌لری قولگه آلینیب و محکمه بولیشی اساسی نیاز دیر.
بیزلرنینگ فیسبوک صحیفه‌میزگه باش اورینگ!
خوفسیزلیک کینگشی، برچه مملکت‌لردن خلق‌ارا قاعده‌لر و مذکور کینگش نینگ قطع‌نامه‌لری اساسیده، اوشبو هجوم عامل‌لری قولگه آلینیشی مقصدیده یاردم بیریش‌لرینی سوره‌گن.
«سی‌ان‌ان» و بی‌بی‌سی فارسی آژانسی، اسلامی امارت منبع‌لریدن نقل قیلیب ایتیشلریچه، اوشبو هجوم ده ۲۳ اوقووچی هلاک بولیب و ۳۶ اوقووچی یره‌لنگن.
بیزلرنینگ توییترده هم تعقیب قیلینگ!
کابل امنیه قوماندان‌لیگی سوزلاوچیسی خالد زدران، مذکور خودکش هجوم ده ۱۹ اوقووچی هلاک بولیب و باشقه ۲۷ کیشی یره‌لنگنینی معلوم قیلگن؛ بیراق مردمی منبع‌لر حادثه تلفاتینی ترقه‌لگن رقم‌لر گه قره‌گنده کوپ دیدیلر.
مذکور هجوم مسئولیتینی حاضرگچه هیچ کیم یا گروه اوز زمه‌سیگه آلمه‌گن.
