پروان محلی مسئوللری، اوشبو ولایت نینگ مرکزی چاریکار شهری «۱۱ پارچه» ده ۲۴ صنف‌لیک بیر مکتب نینگ تمل تاشی قوییلگنیدن خبر بیره‌دیلر.
پروان حاکمی عبیدالله امین‌زاده نینگ سلام‌وطندار گه ایتیشیچه، مذکور مکتب نینگ قوریلیش ایشی اوتگن کون (دوشنبه، ۲۳ عقرب) تخمیناً ۴۰۰ مینگ امریکالیک دالر ارزشیده بیرلشگن ملتلر تشکیلاتی نینگ مهاجرلر ایشلری بوییچه عالی کمیشنری (UNHCR) مالی یاردمی بیلن باشلنگن.
بیزلرنینگ فیسبوک صحیفه‌میزگه باش اورینگ!
عین‌حالده، پروان ده بیرلشگن ملتلر تشکیلاتی نینگ مهاجرلر ایشلری بوییچه عالی کمیشنری نینگ دفتر نماینده‌سی سیدزبیر سعیدی گه کوره، اوشبو مکتب (ACRO) مؤسسه‌سی تامانیدن زمانه‌وی شکلده ۸ آی ایچیده قوریلیب و فایده‌لنیشگه تاپشیریله‌دی.
بیزلرنینگ توییترده هم تعقیب قیلینگ!
باشقه تاماندن، پروان معارف باشلیغی محمدحسن حقانی، چاریکار شهری «۱۱ پارچه» ده مکتب قوریلیشیدن خورسندلیک قیلیب ایتیشیچه، مذکور مکتب قوریلیشی بیلن محل یشاوچیلری نینگ مکتب لحاظ دن قیینچیلیکلری حل ایتیله‌دی.
