بیرلشگن ملتلر تشکیلاتی نینگ افغانستان خصوصیده بولگن دوحه نینگ اوچینچی ییغینی، بوگون آخشم (یکشنبه، ۱۰-سرطان)، محلی وقت بیلن ساعت ۰۶:۴۵ اطرافیده، بیرلشگن ملتلر تشکیلاتی میزبانلیگی بیلن باشلنه‌دی.
اوشبو ییغین‌گه اسلام امیرلیگی هیئتی و بیرلشگن ملتلر تشکیلاتی نماینده‌لری یانیده، کمیده ۲۵ مملکت و خلق‌ارا تشکیلات نماینده‌لری هم قتنشه‌دی.
بیزلرنینگ فیسبوک صحیفه‌میزگه باش اورینگ!
دوحه نینگ اوچینچی ییغینی بیرلشگن ملتلر تشکیلاتی باش‌کاتبی اورین‌باسری روزمری دیکارلو ریاستی بیلن یولگه قوییله‌دی و بو ییغین‌گه اسلام امیرلیگی‌دن هم اوشبو حکومت سوزلاوچیسی ذبیح‌الله مجاهد ییتکچیلیگی‌ده آلتی کیشی‌لیک بیر هیئت قتنشگن.
اسلام امیرلیگی نینگ ایتیشیچه، اوشبو ییغین‌ده افغانستان ده اقتصادی وضعیت، مخدره ماده گه قرشی کوره‌ش و اوشبو مملکتده خصوصی سکتور نینگ کوچلنتیریش یوللری خصوصیده صحبت قیلینیشی ممکن.
مذکور ییغین خصوصیده اسلام امیرلیگی سوزلاوچیسی اورین‌باسری حمد‌الله فطرت نینگ ایتیشیچه: «بوگون‌کی آجندا گه قره‌گنده سیاسی نطق‌لر بولیشی ممکن که بو ییغین‌ده بیرلشگن ملتلر تشکیلاتی، قطر و اسلام امیرلیگی نماینده‌لری نطق سوزله‌یدیلر. کیینگی کون هم ایکی ییغین یولگه قوییلیب و اقتصادی وضعیت، خصوصی سکتور نینگ کوچلنیشی و مخدره ماده گه قرشی کوره‌ش توغریسیده بحث بولیشی و بو خصوص‌ده‌گی یوتوق‌لر نینگ ارائه بولیشی ممکن.»
شونده‌ی بیرحالده، بیلرمانلردن قطاری نینگ ایتیشلریچه، دوحه نینگ بو دور ییغینی افغانستان سرپرست حکومتی نماینده‌لری حضوری بولمسدن یولگه قوییلگن بوندن آلدینگی دورگه نسبتاً، چیکلنگن آجندا بیلن یولگه قوییله‌دی.
بو توغریده سیاسی ایش بیلرمانلردن ویس ناصری نینگ سلام‌وطندار گه ایتیشیچه: «ایکینچی ییغین یخشی ترکیب گه ایگه ایدی، مملکت نماینده‌لری، بیرلشگن ملتلر تشکیلاتی مصلحتچیسی و جناب گوترش نینگ حضوری بار ایدی؛ لیکن اوچینچی ییغین‌ده یاشیرینچی بیر توافق صورت تاپیب و انه شوو سبب ییغین نینگ آجندا و ترکیبی نی جوده‌یم قویی کیلتیره‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو بیرلرمان نینگ اورغولب ایتیشلریچه، بو ییغین نینگ چیکلنگن آجنداسی و بیرلشگن ملتلر تشکیلاتی نینگ اجرایی صلاحیتی بولمه‌گنی نی نظر گه آلیش بیلن، افغانستان بحرانی نینگ اساسی حلی اوچون عملی نتیجه‌سی آلیب کیلمسلیگی ممکن.
ایتیش کیره‌ک که، دوحه نینگ اوچینچی ییغینی آجندا‌سیده افغانستان ده عیاللر حقوقی جمله‌دن قیزلر تعلیمی مسئله‌سی و بیر قطار باشقه موضوع‌لر نینگ بولمه‌گنی، بو ییغین برابریده بیان بولگن اینگ اونملی تنقید‌لردن دیر.
