«بیرلشگن ملت‌لر تشکیلاتی نینگ ژنو-United Nations Geneva» اسمی آستیده‌گی نهاد نینگ آگاه‌لنتیریشیچه، افغانستان‌لیک قاچقینلر پاکستان دن قیتیش چاغیده قاچاق خوفی بیلن روپه‌ره دیر.
اوشبو نهاد بوگون (چهارشنبه، ۱۵-قوس)، «ایکس» صحیفه‌سیده بیر خبرنامه ترقه‌تیش بیلن یازیشیچه، پاکستان دن چیقریلگن افغانستان‌لیک قاچقینلر، قیتیش چاغیده انسان حقوقی نقضی نینگ جدی خوفی بیلن روپه‌ره‌لر.
بیزلرنینگ فیسبوک صحیفه‌میزگه باش اورینگ!
خبرنامه‌ده کیلیشیچه، پاکستان دن افغانستان‌لیک قاچقینلر نینگ چیقریلیش پروسه‌سی باشلنگنی‌دن حاضرگچه، افغانستان‌لیک مهاجرلر اینیقسه قیزلر و عیاللر، قیتیش چاغیده قاچاق خوفی بیلن روپه‌ره دیر.
ایتیش کیره‌ک که، پاکستان دن افغانستان‌لیک قاچقینلر نینگ چیقریلیش پروسه‌سی باشلنگنی‌دن حاضرگچه، ۴۰۰ مینگ‌دن آرتیق افغانستان‌لیک قاچقین اوشبو مملکت‌دن قیتگن که گزارشلر اساسیده، قیتگنلردن کوپینچه‌سی نی عیاللر و باله‌لر تشکیل بیره‌دی.
