معلومات و مدنیت وزیرلیگی مسئوللری، بوگون (سه‌شنبه، ۲۷-سنبله)، مذکور نهاد نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، اوتگن بیر ییلده ۹ میلیون‌دن آرتیق ایچکی و چیت‌ایللیک سیاحتچی افغانستان نینگ قدیمی و دم آلیش ساحه‌لریدن کوریب چیققن.
اوشبو وزیرلیک نینگ مالی و اداری معینی قدرت‌الله جمال نینگ ایتیشیچه، نورستان نینگ ملی پارکی، بامیان، پنجشیر، پغمان، قرغه و هرات نینگ اختیارالدین قلعه‌سی اوتگن بیر ییلده ایچکی و چیت‌ایللیک سیاحتچیلر اوچون اینگ کوپ کوریب چیقیلگن بولیملردن دیر. اونینگ کوپه‌یتیریشیچه: «اوتگن ییلده قریب ۹ مینگ چیت‌ایللیک سیاحتچی افغانستان گه کیلیب، بو مملکت نینگ تاریخی و دم آلیش ساحه‌لرینی کوریب چیققن. شونینگدیک اوتگن ییل ۹ میلیون‌دن آرتیق ایچکی سیاحتچی وزیرلیگیمیزده ثبت بولگن؛ ایتیش کیره‌ک که، اوشبو وزیرلیک نینگ سیاحت بولیمی‌ده اوتگن ییل قریب ۴۸ میلیون افغانی درآمد قولگه کیلگن.»
بیزلرنینگ فیسبوک صحیفه‌میزگه باش اورینگ!
معلومات و مدنیت وزیرلیگی نینگ مالی و اداری معینی گه کوره، اوتگن بیر ییلده اوچ مینگ شرکت سیاحتچیلیک بولیمی‌ده خذمتلرنی ارائه قیلیب و اوشبو وزیرلیک سیاحتچیلیک آرقه‌لی ۴۸ میلیون افغانی درآمد قیلگن.
باشقه بیر تاماندن، معلومات و مدنیت وزیرلیگی نینگ نشرات معینی حیات‌الله مهاجر فراهی نینگ ایتیشلریچه، حاضر مملکت‌ده ۳۸۰ رادیو، تلویزیون و چاپی ییتکرمه‌لر نینگ فعالیتی بار و شونینگدیک اوتگن ییلده ۶۲۰ خبرچی گه خبرچیلیک کارتی ترقه‌تیلگن. «مملکت‌ده اسلامی ارزشلر، ملی منفعتلر و افغانی فرهنگ نی نظر گه آلگن برچه ایچکی ییتکرمه‌لر فعالیتی گه رخصت بیره‌میز. حاضر ۳۸۰ رادیو، تلویزیون و آنلاین ییتکرمه‌لر نینگ فعالیتی بار. اسلام امیرلیگی نینگ قدرت گه ایریشگنی بیلن اونلب ییتکرمه، فعالیتی نی قیته باشله‌گن و بیر ییلده ۶۸۰ خبرچی گه خبرچیلیک کارتی نی ترقه‌تگنمیز.»
جناب فراهی نینگ کوپه‌یتیریشیچه، یوتیوب کاناللری گه جواز ترقه‌تیلیش ریجه‌سی یکونلنیب و شونینگدیک خبرچیلر نی قوللب-قوتلش صندیغی تیارلنگن.
بیزلرنینگ «ایکس» ترماغی ده هم تعقیب قیلینگ!
جناب فراهی گه کوره، اوتگن بیر ییلده اوشبو وزیرلیک‌ده تلویزیون، رادیو و یوتیوب کاناللری آرقه‌لی ۴۴۴ قانون بوزرلیک مورد ثبت بولگن که بو آره‌ده، ۳۲۰ موردی یوتیوب کاناللری، ۵۵ موردی تلویزیون‌لر و باشقه ۷۹ موردی ایسه رادیولر گه تیگیشلی دیر.
ایکی مینگ ۴۱۰ قدیمی اثر نینگ ثبت بولگنی، ۴۱۶ قلم قدیمی اثر قاچاقی آلدی آلینگنی، ۴۰۰ قدیمی ساحه نینگ علمی تیکشیریلگنی و اون مینگ‌دن آرتیق ترانه و نعت نینگ توپلنگنی، اوتگن بیر ییلده معلومات و مدنیت وزیرلیگی نینگ باشقه یوتوقلریدن دیر.
