آمریکا قوشمه ایالت‌لری نینگ جمهور باشلیغی جوبایدن و اوکراین جمهوررئیسی ولودیمیر زلنسکی تیلیفونی صحبت قیلگن. آق سرای گه کوره، اوشبو صحبت ۳۰ دقیقه دوام ایتگن.
آق سرای نینگ اعلامی اساسیده، بایدن آمریکا کنگره‌سیده اوکراین گه همکارلیکلرینی کوپه‌یتیریش اوچون سعی-حرکت قیلیشیدن خبر بیرگن. شونینگدیک اعلامیه‌ده کیلیشیچه، روسیه نینگ اوکراین گه باستیریب کیریشی طفیلی اوشبو مملکت گه خرجت‌لرنی کوپه‌یتیریش اچون آمریکا قوشمه ایالت‌لری و متحدلری نینگ نینگ اقدام لری خصوصیده بحث ایتیلگن.
بیزلرنینگ فیسبوک صحیفه‌میزگه باش اورینگ!
عین‌حالده اوکراین جمهور باشلیغی ولودیمیر زلنسکی توییتری‌ده یازیشیچه، اوشبو صحبتده اوکراین نینگ خوفسیزلیک وضعیتی، مذکور مملکت‌نی مالیه‌وی حمایت ایتیش و روسیه گه قرشی تحریم‌لر دوامی بحث گه آلینگن.
بوندن آلدین اوکراین جمهورباشلیغی، آمریکا نماینده‌لری اوچون ویدیو نطقی‌ده، ناتودن روسیه توزه‌تگن جنگوار جیت‌لر بیریلیشینی طلب قیلگن ایدی.
عین‌حالده، آمریکا تشقی ایشلر وزیری آنتونی بلینکن اوکراین‌لیک همکسبی دمیترو کولبا بیلن، اوکراین و لهستان چیگره‌سیده اوچره‌شگن.
روسیه نینگ اوکراین گه باستیریب کیریشیدن ۱۱ کون اوتر ایکن، آمریکا و اوکراین رهبرلری تیلیفونی صحبت قیلگن‌لر.
بیزلرنینگ توییترده هم تعقیب قیلینگ!
گرچند اوتگن کونی روسیه و اوکراین تامان‌لری، اوکراین نینگ ایکی شهری‌دن تینچ اهالی‌نی چیقریش اوچون وقتینچه‌لیک آتش کیسین گه کیلیشدیلر، بیراق کیین‌راق ایسه اوکراین رسمی‌لری اوشبو آتش کیسین روسیه تامانیدن بوتونلی رعایه ایتیلمسلیگینی اعلان قیلدیلر.
