بنگلادیش ساغلیق‌نی سقلش رسمی‌لری تامانیدن بیریلگن معلومات‌لر اساسیده، اوشبو مملکت نینگ جنوب شرقی «سیتاکوندا» ده جایلشگن کییم انباری ده صادر بولگن بویوک یانغین نتیجه‌سیده، چمه‌سی ۲۸ کیشی اوز جان‌لرینی قولدن بیرگن.
محلی رسمی‌لردن بولمیش حسن شهریار نینگ فرانسه آژانسی گه ایتیشیچه: «حاضرگچه الاو بوتونلی اوچیریلمه‌گن، لیکن تلفات رقمی کوپه‌یشی ممکن.»
بیزلرنینگ فیسبوک صحیفه‌میزگه باش اورینگ!
اوشبو واقعه بنگلادیش جنوبی چیتاگونگ بندری نینگ ۴۰ کیلومترلیگیده جایلشگن، سیتاکوندا کانتینرانباری ده یوز بیرگن.
حادثه یره‌لری نینگ وضعیتی آغیرلیگی اوچون، قربانی‌لر سانی کوپه‌یش احتمالی موجود. ایتیلیشیچه، الاو اوچیروچیلر و پولیس کوچلری دن قطاری یره‌لنگنلر ارا شامل دیر.
الاو اوچیروچیلر نینگ ایتیشلریچه، یانغین صادر ایتیلیشیدن بیر ساعت دن کیین، یوزلرچه کیشی واقعه محلی ده اوزلرینی ییتکیزدیلر، نیچه شیمیایی ماده بولگن کانتینر پارتله‌دی و یاردم بیرووچیلردن بیرقطار هلاک و یره‌لندیلر.
چیتاگونگ منطقه‌سی پولیس باشلیغی انور حسین گه کوره، مذکور حادثه ده کمیده ۱۷۰ کیشی جمله‌دن ۴۰ الاو اوچیروچی و ۱۰ پولیس قوماندانی یره‌لنگن.
چیتاگونگ منطقه‌سی نینگ یوقاری مرتبه‌لی رسمی‌سی مؤمن‌الرحمن گه کوره، میلیون‌لرچه قیمتی بولگن اوشبو کیم‌لر، غرب اولکه‌لری گه صادر ایتیلیشی کوتیلر ایدی.
چیتاگونگ جراح‌لریدن بولمیش محمدالیاس حسین، منطقه برچه شفاکارلریدن حادثه طفیلی یره‌لنگنلرنی دارو_دوالش اوچون کیلیب و اضطراری قان بیریش‌لرینی طلب قیلگن.
بیزلرنینگ توییترده هم تعقیب قیلینگ!
یانغین سببی حاضرگچه انیقلنمه‌گن؛ بیراق الاو اوچیروچیلر گه کوره، اوشبو یانغین هیدروژن پراکسید کانتینری دن باشله‌نیب و تیزلیک بیلن باشقه کانتینرلر گه ترقلگن.
۲۰۲۰ ییل ده اوشبو مملکت نینگ پاتنگا چیتاگونگ منطقه‌سیده کانتینر انباری ده نفت مخزنی پارتلشی نتیجه‌سیده اوچ کیشی هلاک بولگن ایدی.
