بامیان ولایتی نینگ اطراف-محیط‌دن حفاظت قیلووچی ریاست مسئوللری نینگ ایتیش‌لریچه، اوشبو ولایت‌ده قوشلر نی آوله‌ش عیبی بیلن سکیز آوچی قولگه آلینگن.
مذکور اداره مسئوللری بیر خبرنامه ترقه‌تیب ایتیشیچه، اوشبو آوچی‌لر اوتگن کون (پنج‌شنبه، ۲۴-سنبله) بامیان نینگ «غجور» دشتی‌دن خوفسیزلیک کوچلری تامانیدن قولگه آلینگن.
بیزلرنینگ فیسبوک صحیفه‌میزگه باش اورینگ!
خبرنامه‌دن نقل قیلینیشیچه، وحشی حیوان‌لر اینیقسه بلیق‌لر و قوشلر نینگ آولنیشی منع قیلینگن و متخلف‌لر بیلن قانونی یول باریلیشی ممکن.
شونده‌ی بیرحالده، نیچه مدت آلدین اسلامی امارت کابینه‌سی بیر ییغین آرقه‌لی بامیان ولایتی نینگ بندامیر ملی پارکی ساحه‌سیده وحشی حیوان‌لر نینگ آولنیشی نی ممنوع اعلام قیلگن ایدی.