بامیان خوفسیزلیک مسئوللری نینگ ایتیشلریچه، اوشبو ولایت کهمرد و سیغان تومنلریده یوز بیرگن ایکی ترافیکی حادثه نتیجهسیده، بیر کیشی اولیب و ۱۲ کیشی ایسه یرهلنگن.
بامیان امنیه قوماندانلیگی سوزلاوچیسی محمدخوانی رسا نینگ ایتیشیچه، بیرینچی حادثه اوتگن کون توشدن آلدین ساعت ۰۹:۰۰ اطرافیده اوشبو ولایت کهمرد تومنی نینگ «دوآب و میخزرین» قیشلاغیده یوز بیرگن.
بیزلرنینگ فیسبوک صحیفهمیزگه باش اورینگ!
ایتیلیشچه، اوشبو ترافیکی حادثه ۱۳ یاشر بیر ییگیت نینگ یوک تاشووچی بیر موتر آستیده قالگنی نتیجهسیده یوز بیریب و اوشبو ییگیت ساغلیق مرکز گه انتقال بیریلگنیدن کیین جان بیرگن.
بامیان امنیه قوماندانلیگی سوزلاوچیسی نینگ کوپهیتیریشیچه، ایکینچی حادثه ایسه اوتگن کون شام چاغی ساعت ۰۷:۰۰ اطرافیده مذکور ولایت سیغان تومنی نینگ «سوختهچنار» قیشلاغیده، «فلانکوچ» رسوملی ایکی موتر نینگ بیر بیریگه توقنشگنی نتیجهسیده یوز بیریب و تورت عیال شامل ۱۲ کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
بامیان خوفسیزلیک مسئوللری سرکلر خرابلیگی و هیداوچیلر نینگ احتیاطسیزلیگی نی ترافیکی حادثهلردن کوپ قطاری نینگ سببی عنوان قیلگنلر.
