پروان ترافیک ادارهسی مسئوللری، سهشنبه کیچه، ۲ جوزا، اوشبو ولایت نینگ سالنگ قتناو یولیده یوز بیرگن ترافیکی حادثه عاقبتیده بیر کیشی هلاک بولیب و باشقه اوچ کیشی یرهلنگنیدن خبر بیرگنلر.
پروان ترافیک ادارهسی ترافیکی واقعهلرنی تیکشیریش آمری عبدالحمید محمدی نینگ سلاموطندار گه ایتیشیچه، اوتگن کیچه ساعت ۱۲:۰۰ اطرافی ده، سالنگ قتناو یولی «اولنگ» منطقهسیده «کرولا» رسوملی بیر موتر یول دن چیقیب، کیین ایسه تاش کومیر یوکلنگن «لاری» رسوملی بیر موتر بیلن توقنشگن.
بیزلرنینگ فیسبوک صحیفهمیزگه باش اورینگ!
محمدی نینگ کوپهیتیریشیچه، مذکور واقعه طفیلی بیر عیال هلاک بولیب و باشقه بیر ایرکک و ایکی یاشر بیر باله یرهلنگنلر.
پروان ترافیک ادارهسی ترافیکی واقعهلرنی تیکشیریش آمری، واقعه سببینی موتر نینگ تخنیکی قیینچیلیگی و هیداوچی نینگ دقتسیزلیگی عنوان قیلیب ایتیشیچه، واقعه سبب یرهلنگنلر پروان ملکی کسلخانهسیگه انتقال بیریلگن.
عبدالحمید محمدی نینگ کوپهیتیریشیچه، موتردهگی یولاوچیلر جوزجان ولایتی آقچه تومنی یشاوچیلری و بیر عایله اعضالری ایکنلر.
بیزلرنینگ توییترده هم تعقیب قیلینگ!
ایتیش کیرهک که، سالنگ قتناو یولی مملکت نینگ شمالی ده گوجوم یوللردن بولیب، یول تارلیگی و بوزوقلیگی سبب انده_سنده اوشبو یول ده ترافیکی حادثه یوز بیریب و یشاوچیلردن قربانلیک آلهدی.
مملکت ده کوپ سانده ترافیکی واقعهلر سببی، موترلر نینگ تخنیکی قیینچیلیگی، یوللر بوزوقلیگی و هیداوچیلر نینگ احتیاطسیزلیگی عنوان قیلینهدی.