بامیان یشاوچیلریدن قطاری نینگ ایتیش‌لریچه، اوشبو ولایت‌ده اوقیتووچی کم‌لیگی و مکتب‌لر نینگ بنا‌سیزلیگی، تعلیم خصوصیده جدی بیر قیین‌چیلیککه اوزگرگن. بامیان نینگ مکتب‌لریدن بیریده‌گی اوقووچیلردن رحمت‌الله رضایی نینگ ایتیشیچه، مکتب‌لری اوقیتووچی کم‌لیگی بیلن روپه‌ره دیر. اونگه کوره، اولر نینگ مکتب‌لری لیسه بولگنی بیرحالده، بیراق اوشبو مکتب‌ده بیش اوقیتووچی درس بیریش بیلن شغللنگن.
رحمت‌الله رضایی نینگ کوپه‌یتیریشیچه: «اوقیتووچی‌میز یوق. اوقیتووچی کم دیر. بیر کونده ایکی یا-ده اوچ مضمون اوقیمیز. اوقیتووچی بولمه‌گنی تقدیر‌ده درس نی درست بیر شکلده اوقه آلمه‌یمیز. هیچ درس اوقیمه‌گنی‌میز کون‌لر هم بار.»
شونده‌ی بیرحالده، بامیان مرکزی‌ده‌گی مکتب‌لردن بیری نینگ اوقیتووچیسی بولمیش مجتبا محمدی نینگ ایتیشیچه، مذکور ولایت مکتب‌لریده ییترلیچه امکانیت و اوقیتووچی یوق‌لیگی، درس خصوصیده اوقووچیلردن کوپینچه‌سی نینگ علاقه‌سیزلیگی گه سبب بولگن.
بیزلرنینگ فیسبوک صحیفه‌میزگه باش اورینگ!
اونگه کوره: «بیله‌سیز که بیر مکتب‌ده کونده بیش یا-ده آلتی مضمون درس بیریله‌دی؛ بیراق کونده ایکی یا-ده اوچ مضمون‌دن کوپراق درس بیره آلمه‌یمیز، چونکه اوقیتووچی کم دیر.»
باشقه بیر تامان‌دن، بامیان ده اوقووچیلر نینگ عایله‌لریدن قطاری، فرزند‌لری نینگ کیله‌جگی اوچون تعلیم نینگ اونملی بولگنی گه تاکید قیلیب و ایتیش‌لریچه، جاری تعلیمی ییل‌ده اوقیتووچی و درسی امکانیت‌لر کمی‌لیگی و مکتب‌لر نینگ بنا‌سیزلیگی، اولر نینگ فرزند‌لری کیله‌جگی خصوصیده خواطرلنتیرگن.
نیچه فرزندی مکتب باره‌دیگن عبدالحمید شیخ‌زاده نینگ ایتیشیچه: «اوقیتووچیلر سانی کمه‌یگن؛ قریب ۳۰دن ۳۵ فایز اوقیتووچیلر سانی کمه‌یگن. بامیان ساووق بیر ساحه گه ایگه دیر. دایم اوشبو موقعیت‌ده‌گی کیشی‌لر نینگ باله‌لری خیمه یا-ده درست بولمه‌گن اتاق‌لر آستیده درس اوقیدیلر.»
عین حالده، بامیان معارف ریاست مسئوللری، بیان بولگن قیین‌چیلیک‌لر نی تصدیق قیلیش بیلن ایتیشیچه، مذکور ریاست تشکیلاتی، ابتدایی بیر تشکیلات دیر که، مکتب‌دن لیسه گه اوزگریشی بیلن اونینگ خصوصیده، باشقه بیر اوزگریش کیلمه‌گن و ییل اوتیشی بیلن نیازمندلیک و اوقیتووچی کم‌لیگی کوپه‌یماقده.
بیزلرنینگ توییترده هم تعقیب قیلینگ!
بو توغریده بامیان معارف ریاست رئیسی ناظر جعفری نینگ سلام‌وطندار گه ایتیشیچه: «بامیان ده ایکی مینگ بست اعلام بولگن ایدی که، خوش‌بختانه اونینگ پروسه‌سی تیکشیریلماقده.»
بامیان معارف وزیرلیگی نینگ کوپه‌یتیریشیچه، وزیرلر کینگشی آرقه‌لی بست‌لر نینگ تایید بولیشی بیلن، اوشبو ولایت‌ده اوقیتووچی کم‌لیگی خصوصیده‌گی قیین‌چیلیک‌لر نینگ حل بولیشی ممکن.
بامیان معارف ریاسی نینگ آماری اساسیده، مذکور ولایت‌ده ۳۶۸ باشلنغیچ، اورته و لیسه فعال دیر و اوشبو مکتب‌لر نینگ اوقووچیلری نی ۶۹ مینگ‌دن آرتیق قیز اوقووچی شامل قریب ۱۵۰ مینگ اوقووچی تشکیل بیره‌دی.
