بامیان محلی مسئوللری نینگ ایتیش‌لریجه، کمیده ۲۰ کون آلدین (پنج‌شنبه، ۱-ثور) اویی نینگ یقین‌لیگیده اوغیرلنگن اوشبو ولایت یکه‌ولنگ نمبر ۱ تومنی نینگ ولسوالی، قوییب یوباریلگن.
بامیان حاکمی سوزلاوچیسی عبدالصبور سیغانی نینگ ایتیشیچه، مختار احمدی اوغیرلاوچیلر قولیدن قوییب یوباریلگن و حاضر ایسه اوشبو ولایت حاکمی عبدالله سرحدی نینگ یانیده دیر. بامیان حاکمی سوزلاوچیسی اوغیرلاوچیلر خصوصیده معلومات بیرمه‌گن.
بیزلرنینگ فیسبوک صحیفه‌میزگه باش اورینگ!
بوندن آلدین، بامیان استخبارات ریاستی‌ده منبع‌لردن قطاری، مذکور ولایت یکه‌ولنگ نمبر ۱ تومنی نینگ ولسوالی مختار احمدی، اسلامی امارت گه مخالف سیاسی سیمالردن بیر قطاری بیلن رابطه‌سی بارلیگی گه عیب‌لنیب، اوشبو ریاست کوچلری تامانیدن قولگه آلینگنی نی تایید قیلگن ایدیلر.
بیراق بامیان حاکمی سوزلاوچیسی اونینگ اوشبو ولایت استخبارات کوچلری تامانیدن قولگه آلینگنی نی رد قیلیب ایتگن ایدی که، بو زمینه‌ده ولایت اداره‌سی و خوفسیزلیک کوچلری تامانیدن تیکشیریشلر نینگ دوامی بار.
بیزلرنینگ توییترده هم تعقیب قیلینگ!
شونده‌ی بیرحالده، افغانستان اهالیسی نینگ اسلامی وحدت حزب رهبری محمد محقق نینگ یقین‌داشلریدن عصمت‌الله خنجری هم فیسبوک صحیفه‌سیده یازگن که، شیعه جماعه بویوک‌لری نینگ سعی و حرکت‌لری نتیجه‌سیده، مختار احمدی «اسلامی امارت تامانیدن قوییب یوباریلیب» و سابق ایشی گه قیته بارگن.
