بیر ییل آلدین ربابه واحدی اسملی بیر عیال، ۵۰ مینگ افغانی بیلن بامیان ولایتی یکاولنگ تومنی‌ده «بامیکا» اسمی آستیده تیکووچیلیک بیر کارخانه آچیب، تعلیم و ایش‌دن محروم قالگن عیاللر گه ایش اورگه‌نیش و ایشلش زمینه‌سینی یره‌تگن.
کمیده ۱۵ عیال گه ایش زمینه‌سینی یره‌تگن مذکور ۲۸ یاشر بانو واحدی نینگ سلام‌وطندار گه ایتیشیچه: «اوز ایاغیم‌ده توخته‌ش گه قرار آلدیم و اوی خره‌جتی خصوصیده هم عایله‌م بیلن همکارلیک قیله‌من. قیزلر نینگ ایش‌سیزلیگی و تحصیل‌دن قالگنی نی کورگنیم‌ده، کوپ اذیت چیکه‌ر ایدیم، اولر نینگ بو وضعیت‌دن چیقیشلری اوچون تیکووچیلیک بیر کارخانه آچدیم.»
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوشبو کارخانه نینگ آچیش‌دن آلدین اویی‌ده سعی‌وحرکت قیلیب تیکووچیلیک نی اورگنگن و اوندن کیین تیکووچیلیک کارخانه‌سینی آچیب و اورگنگن نرسه‌لرنی عیاللرگه اورگتگن. ربابه گه کوره، حاضر ایسه مذکور کارخانهده ۱۵ عیال ایش بیلن شغللنگن. «باش‌ده اوی‌ده ایشله‌ر ایدیم؛ کیین رسمی جواز آلیب و بو کارخانه نی بازارده آچدیم و حاضر قیزلر گه تیکووچیلیک نی اورگته‌من.»
بامیکا کارخانه‌سیده‌گی ایشلاوچیلردن بیری و ۱۲-صنف گه قدر اوقیگن مریم محمدی نینگ ایتیشیچه، حاضرگی وضعیت‌ده باشقه قیزلر و عیاللر گه یخشی بیر فرصت دیر. مذکور کارخانهده بیر ییل‌ده تیکووچیلیک نی اورگنگن مریم نینگ کوپه‌یتیریشیچه: «بو ییرده ایشلش گه کوپ خورسند‌مین، حاضر بو یول آرقه‌لی عایله‌م نینگ خره‌جتینی تامین‌له‌یمن.»
شونینگدیک ۱۱-صنف گه قدر اوقیگن کیمیا سروری، تیکووچیلیک آرقه‌لی خودکفالیککه ییتیشیش و عایله‌سی‌گه یاردم بیریش نی ایسته‌یدی. اونینگ کوپه‌یتیریشیچه: «بو کارخانهده ایش قیلیشیم اوچون عایله‌م میندن حمایت قیله‌دی. سرپرست حکومت‌دن بو کبی ریجه‌لردن حمایت قیلیشلرینی ایسته‌یمن که کوپراق رواجلنسه.»
۶-صنف گه قدر اوقیگن فاطمه ایوبی، اوزی گه ایلنجه و درآمد تاپیش اوچون ینگی‌لیکده بو کارخانه گه شامل بولگن. اونینگ کوپه‌یتیریشیچه: «مین بیر ایش نی اورگنماقچین مین که حتا تیکووچیلیک آرقه‌لی هم اهالی گه خذمت قیلسم.»
بیزلرنینگ «ایکس» ترماغی ده هم تعقیب قیلینگ!
اوشبو تیکووچیلیک کارخانه‌سی، ۱۱-صنف گه قدر اوقیگن ذکیه محمدی نینگ حیاتی گه هم بیر قطار ایجابی اوزگریشلر کیلتیرگن. او عیاللر آرقه‌لی ایشلب چیقریلگن نرسه‌لردن حمایت بولینیشینی ایسته‌گن. «سرپرست حکومت‌دن عیاللر گه ایشلش اوچون رخصت بیریلیشی و تولیدلریمیزدن حمایت بولینیشینی ایسته‌یمن. شونینگدیک توجه قره‌تسینلر که عیاللر کوپراق اوی و جمعیت اقتصادی گه یاردم بیره‌دی.»
بامیکا اساسچیسی، طرحی نینگ باشقه ولایت‌لر گه کینگه‌یتیریش و افغانستان بویلب مخصوص و مناسب جای‌ده عیاللر و قیزلر گه ایش و تعلیم زمینه‌سی نینگ یره‌تیش ایسته‌یدی.