بلخ ده شفاکارلردن قطاری نینگ ایتیشلریچه، اوشبو ولایت درمانی مرکزلری گه روحی کسل‌لیکلرگه چلینگن عیاللر نینگ مراجعت سانی سیزیلرلی درجه‌ده کوپه‌یگن.
بلخ مرکزی کسل‌خانه‌سیده‌گی روان‌شناسلردن حفیظ‌الله محبی نینگ ایتیشیچه، عیاللر آره‌سیده روحی کسل‌لیکلر نینگ کوپلیگی، خواطرلنتیرووچی دیر.
اونینگ کوپه‌یتیریشیچه: «بیر آی‌ده ۳۵۰-۴۰۰ کسل بستر دیر؛ اوتگن ییل هم ۴۰۰۰ روحی کسلی‌میز بار ایدی؛ اوشبو کسل‌لر گه خذمتلر تیکین، عادی و اساسی شکلده عرضه بوله‌دی.»
بیزلرنینگ «ایکس» ترماغی ده هم تعقیب قیلینگ!
افسرده‌لیک کسللیگی دوالنیشی اوچون بلخ مرکزی کسل‌خانه‌سی نینگ روحی ساغلیق بولیمی گه بارگن اوشبو ولایت یشاوچیسی راضیه نینگ ایتیشیچه، عایلهوی قیین‌چیلیک سبب روحی قیین‌چیلیکلر گه چلینگن.
راضیه نینگ کوپه‌یتیریشیچه: «عایلهوی قیین‌چیلیگیم بار و تورموش گه چیقریلگنیم‌دن نیچه آی بوله‌دی؛ روحی وضعیتم یامان دیر؛ غضب‌لنه‌من و ییغله‌یمن؛ باشیم و جانیم آغریدی؛ امید‌سیزمین. شفاکار افسردهلیککه چلینگن‌سین دیدی.»
بلخ یشاوچیلریدن باشقه بیری آسیه نینگ ایتیشیچه، بیر ایش گه کیریش اوچون کوپ قیین بیر سیناونی اوتکزیب و ایش‌گه آلینگنی‌دن کیین، بیراق عایله‌سی ایشلش گه رخصت بیرمه‌گن و انه شوو سبب، افسردهلیککه چلینگن. آسیه نینگ ایتیشیچه: «افسرده بولگن‌مین و عایلهوی قیین‌چیلیگیم بار. سیناو بیرگن ایدیم و اوزاق بیر ولایت گه کامیاب بولدیم؛ لیکن عایله‌م رخصت بیرمه‌یدی.»
شفاکارلر، عایلهوی زورهوانلیکلر، اجتماعی چیکلاولر، ایش‌سیزلیک و قشاق‌لیک نی عیاللر نینگ روحی قیین‌چیلیکلرگه چیلینیشلری اساسی عامللریدن بیله‌دیلر.
بیزلرنینگ فیسبوک صحیفه‌میزگه باش اورینگ!
بلخ مرکزی کسل‌خانه‌سی نینگ روحی ساغلیق بولیمی روان‌شناسلریدن باشقه بیری ایمل‌شاه نینگ ایتیشیچه، اجتماعی قیین‌چیلیکلر و عایلهوی زورهوانلیکلر، عیاللر آره‌سیده روحی کسل‌لیکلر کوپه‌یشی اصلی سببلریدن بولیشی ممکن.
مذکور روان‌شناس نینگ ایشانچی گه کوره، کونده‌لیک فعالیت‌لر اوچون برنامه آلیش، اویین-کولگی یره‌تیش و حیات‌گه نظم بیریش، روحی کسل‌لیکلر گه چیلینیش نینگ آلدینی آلیشی ممکن. «روحی قیین‌چیلیکلر عایلهوی قیین‌چیلیکلر گه تیگیشلی دیر و انه شوو سبب، اهالی روحی قیین‌چیلیکلر گه چلینه‌دیلر. بو ییرده شفاکارلر روحی کسل‌لیکلر دوالنیشی خصوصیده نظر بیره‌دیلر.»
اسلام امیرلیگی نینگ قدرت گه ایریشگنیدن کیین و عیاللر نینگ ایش و تعلیمی خصوصیده چیکلاولر یره‌تیلگنی همده عایلهوی زورهوانلیکلر کوپه‌یگنی سبب، عیال‌لردن قطاری روحی کسل‌لیکلر گه چلینگنلر.
