بلخ ده بیر عیال، قالین توقووچیلیک ایشخانه ایجاد قیلیش بیلن کمیده ۳۰۰ قیز و عیال گه ایش و اوشبو مهارت نینگ اورگنیش زمینه‌سی نی یره‌تگن.
بلخ ده ایش زمینه‌سی نی یره‌تگن عیاللردن بیری عالیه مخدوم، عیاللر نینگ تقدیرسیزلیک‌دن قوتقریش اوچون سعی و حرکت قیلیب و قالین توقووچیلیک ایشخانه نی ایجاد قیلگنی‌دن مقصد، مملکت‌ده‌گی قیزلر و عیاللردن حمایت قیلیش عنوان قیلگن.
مذکور قالین توقووچیلیک ایشخانه مسئولی عالیه مخدوم نینگ سلام‌وطندار گه ایتیشیچه، ایش و تعلیم‌دن محروم بولگن، ایچکی قاچقین‌لر و سرپرست‌سیز کمیده ۳۰۰ قیز و عیال، حاضر مذکور ایش‌خانه‌ده ایش بیلن شغللنگن.
بیزلرنینگ «ایکس» ترماغی ده هم تعقیب قیلینگ!
عالیه نینگ کوپه‌یتیریشیچه: «بو ییر نی فعال قیلگنیم‌دن ۷ آی بولدی. حاضر ایسه کمیده ۳۰۰ عیال و قیز بو ییرده بیزلر بیلن ایشله‌یدی. بو ییرده‌گی ایشلاوچیلریمیز مخدره ماده نی ترک قیلگن و سرپرست‌سیز عیاللر دیر.
شونده‌ی بیرحالده، مذکور ایش‌خانه‌ده ایش بیلن شغللنگن عیاللردن قطاری، اوشبو مرکز نینگ ایجاد بولگنی نی کیله‌جک‌لری اوچون یخشی بیر آدیم عنوان قیلگنلر.
مذکور ایش‌خانه‌ده‌گی ایشلاوچیلردن نصیبه و تاج‌گل نینگ سلام‌وطندار گه ایتیشلریچه، اوشبو ایش‌خانه‌ده ایشلش بیلن، روحی قیین‌چیلیک‌لردن اوزاق بولیشلری ممکن. مذکور عیاللر نینگ کوپه‌یتیریشلریچه، تیکووچیلیک و قالین توقووچیلیک ایش‌خانه‌لرده ایش زمینه‌لری یرهتیلیشی بیلن، عیاللر گه خود‌کفالیک زمینه‌سی یرهتیلیشی ممکن.
نصیبه نینگ ایتیشیچه: «قالین توقووچیلیک قیلمه‌سدن آلدین بیر معتاد کبی ایدیم. ایش‌سیزلیک اوچون کوپ قیین‌چیلیک بیلن روپه‌ره ایدیم و حاضر بو ییرده ایشلش اوچون جوده‌یم خورسند‌مین.»
شونینگدیک تاج‌گل نینگ ایتیشیچه: «مکتب‌لر ایشیگی یاپیلگنی‌دن کیین، قالین توقووچیلیک ایش‌خانه‌ده ایش زمینه‌سی یره‌تیلگنی بیزلر اوچون جوده‌یم یخشی بولدی؛ اقتصادی‌میز خصوصیده یخشی دیر. حکومت‌دن بیزلر نینگ حمایت قیلیشلری نی ایسته‌یمیز.»
عین حالده، بلخ صناعت و سوداگرلیک ریاستی‌ده مسئوللر، اوشبو ولایت‌ده سوداگر و ایش زمینه‌سی نی یره‌ته‌دیگن عیاللردن قوللب-قوتلش اوچون سعی و حرکت قیلیشی نی بیان قیلگن. بلخ صناعت و سوداگرلیک ریاستی اورین‌باسری نصیراحمد نیازی نینگ ایتیشیچه، ایش زمینه‌سی نی یره‌ته‌دیگن عیاللردن قوللب-قوتلش اوچون تورلی مؤسسه‌لر و نهاد‌لر هماهنگ‌لیگی‌ده سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
نصیراحمد نیازی نینگ کوپه‌یتیریشیچه: «دایم ایش زمینه‌سی نی یره‌ته‌دیگن عیاللردن حمایت قیلگن‌میز. مذکور عیاللر نینگ تیکووچیلیک و قالین توقووچیلیک بولیمی‌ده ایشله‌یدیگن نهاد‌لر و مؤسسه‌لر گه تانیشتیرگن‌میز و دایم اولردن حمایت قیله‌میز.»
قالین توقووچیلیک صناعتی افغانستان ده قدیم زمان‌دن بیری بار و اوشبو مملکت آسیا ده اینگ بویوک قالین ایشلب چیقرووچیلردن دیر.
