تیمیرچیلیک بلخ ولایتیده قدیمی صناعت‌لردن بیری دیر. بیر زمان‌لر بازارلری قیزیق بولگن بو صناعت نینگ حاضر کسادلیککه یوز توتگنی، تیمیرچیلر نینگ شکایتلری سبب بولگن.
بلخ ولایتیده تیمیرچیلر نینگ ایتیشلریچه، منطقه مملکت‌لردن شو کبی اوسکونه‌لر نینگ وارد ایتیلیشی و تیمیر قیمتی یوقاری کیتگنی سبب، مذکور صناعت کسادلیککه یوز توتگن.
بالته، کلنگ، اوراق، چکش، بیل، پیچاق و باشقه بیر قطار اوسکونه‌لر نی توزته‌دیگن مذکور صناعتچیلر، سرپرست حکومت آرقه‌لی بو صناعت نینگ قوللب-قوتلنیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
بلخ ولایتی‌ده‌گی تیمیرچیلردن عبدالستار نینگ ایتیشیچه: «قیچی، داس، بیل و باشقه هر قنده‌ی اوسکونه نی توزته آله‌میز، لیکن بازار یوق. اوتمیش‌ده باشقه مملکت‌لردن افغانستان گه وسیله‌لر کیلمه‌یدی؛ لیکن حاضر ایسه برچه مملکت‌لردن خارجی اوسکونه‌لر وارد بوله‌دی. صناعتی‌میز کسادلیککه یوز توتگن.»
شونینگدیک اوشبو ولایت‌ده‌گی تیمیرچیلردن باشقه بیری محمدجاوید نینگ ایتیشیچه: «اوتمیش‌ده توزته‌دیگنیمیز وسیله‌لر چین، پاکستان و تاجیکستان دن کیله‌دی و قیمتی هم بیزلر گه ارزان دیر. انه شوو سبب هیچ کیم بیزلر نینگ توزتگنیمیز وسیله‌لردن قوللنمه‌یدی.»
شونده‌ی بیرحالده، بلخ ولایتیده محلی مسئوللر قدیمی صناعتلر گه اعتبار قره‌تیلیش‌نی، بیرینچی ایشلریدن دیب عنوان قیله‌دیلر.
بلخ ولایتی صناعت و سوداگرلیک ریاستی اورین‌باسری نصیراحمد نیازی نینگ ایتیشیچه، مذکور ریاست مشابه اوسکونه‌لر نینگ تشقی مملکت‌لردن وارد قیلینیشی آلدی آلینیشی اوچون سعی‌وحرکت قیله‌دی.
بیزلرنینگ فیسبوک صحیفه‌میزگه باش اورینگ!
نیازی نینگ کوپه‌یتیریشیچه: «صناعت و سوداگرلیک ریاستی بو توغریده قرارلی دیر. ان‌شاءالله اولر نینگ یانیگه‌میز، مشابه اوسکونه‌لر نینگ وارد قیلینیشی آلدی آلینیشی یا-ده خارجی توارلر توغریسیده سالیق نینگ کوپه‌یتیریش خصوصیده سعی‌وحرکت قیله‌میز.»
صناعتچیلر بوندن آلدین مس‌گری، نجارلیک، بوت دوزلیک و باشقه صناعتلر بازاری نینگ اوتمیش کبی بولمه‌گنی‌دن شکایت قیلگنلری بیرحالده، بلخ ده تیمیرچیلر بو صناعت نینگ کسادلیککه یوز توتگنی‌دن خواطر بیلدیرگنلر.
