بلخ معارف ریاستی مسئوللری، اوشبو ولایت نینگ نهرشاهی تومنیده ۱۲۰مینگ دالرلیک بیر مکتب قوریلیب و فایده‌لنیشگه تاپشیریلگنیدن خبر بیرگنلر.
بلخ ده احمدشاه مسعود مکتبی ایچیده قوریلگن آلتی صنف‌لیگ اوشبو مکتب بناسی بوگون (چهارشنبه، ۲۹ سنبله)، معارف وزیری و بلخ محلی رسمی‌لری حضوری بیلن آچیلگن.
بیزلرنینگ فیسبوک صحیفه‌میزگه باش اورینگ!
مذکور مکتب نینگ بناسی، معارف دن حمایت قیلووچی افغان‌لر مؤسسه‌سی و «افغانستان شولن» مالی حمایتی بیلن، ایکی قوت و آلتی درسی صنف و اداری اتاق‌لری بیلن ستندرد شکلده قوریلگن.
معارف دن حمایت قیلووچی افغان‌لر مؤسسه‌سی نماینده‌سی محمدزبیر عمر نینگ ایتیشیچه، مذکور مکتب اولکه یشاوچیلری نینگ فرزندلری ستندرد شکلده درس اوقیش و اولر نینگ تعلیمی گه قولی‌لیک یره‌تیش مقصدیده قوریلگن.
عین‌حالده، معارف ساحه‌سیده قیینچیلیک‌لرنی تینگلش مقصدیده بلخ ولایتی گه سفر قیلگن مملکت معارف وزیری حبیب‌الله آغا، اوقووچیلر گه قولی‌لیک یره‌تیش اوچون سعی‌وحرکت قیله‌یاتگن‌لریدن ایشانچ بیره‌دی.
بیزلرنینگ «ایکس» ترماغی ده هم تعقیب قیلینگ!
معاف وزیری نینگ کوپه‌یتیریشیچه، دینی و زمانه‌وی تعلیم نصابینی ترتیب بیریش اوستیده ایشله‌ماقده‌لر.
مذکور مکتب فایده‌لنیشگه تاپشیریلیشی اوشبو مکتب اوقووچیلری تامانیدن خوش قرشی‌لنگن. اولر نینگ ایتیشلریچه، اوتمیش ده ستندرد صنف‌لری یوق‌لیگی باعث ایریم قیینچیلیک‌لر بیلن روپه‌ره بولگنلر.
