اوتگن کیچه مرکزی بغلان تومنی نینگ عمرخیل قیشلاغیده، ۷ حربی و ۳ تینچ‌اهالی قماقخانه نینگ دیواری نی تخریب قیلگندن کیین، قاچیب و اوزلرینی حربی بیر قرارگاه گه ییتیشتیرگن.
قاچیش گه موفق بولگن عسکرلردن بیری محمدالله نینگ ایتیشیچه، ۴۵ کون آلدین پلخمری شهری نینگ عمومی قتناویولیدن اوغیرله‌نیب و طالبان قماقخانه‌سیده سقلنه‌دی ایکن.
محمدالله نینگ سلام‌وطندارگه ایتیشیچه، بو پیتده طالبان آرقه‌لی کوپ کلتکلنگن و قماقخانه ده باله‌لر و کیکسه‌لر بیلن ناتوغری رویه قیلینه‌دی ایکن.
بیزلرنینگ فیسبوک صحیفه‌میزگه هم باش اورینگ!
اونینگ کوپه‌یتیریشیچه: «۲۶ کیشی حبس گه ایدیک و ۱۱ کیشی کیچه چیقدیک که ۳ تینچ‌اهالی و ۸ حربی. بیزلر کیچه بیر اتاققه قفل‌لنگن ایدیک و بیزلر ایسه بو اتاق نینگ دیواری نی تیشیب و قاچدیک. بیزلر کمیده بیر یریم آیدن بویان طالبان قولیگه حبس ایدیک، بیزلرنی کوپ کلتکله‌‌دیلر و بیزلرگه یالغیز یریم نان بیره‌دی ایدیلر. بیزلرنی کافرلر بیلن ایش قیله‌سیزلر و سیزلرهم کافرسیزلر دیب آزارلنتیره‌دی ایدیلر. کتته و کیچیک نی قصه‌سیگه بولمه‌ی قیناققه ساله‌دی ایدیلر.»
پرویز ۱۶ یاشر باله و پلخمرش شهری نینگ یشاوچیسی دیر. او حبس بولگنی دلیلی نی طالبان جنگریلریدن بیری ایناغه‌سی آرقه‌لی اولدیریلگنی دیدی. پرویز هییت نینگ ۴- کونیده طالبان آرقه‌لی قولگه آلینه‌دی.
اونینگ ایتیشیچه، طالبان محبوس‌لریگه بیر کیچه و کوندوز ده یالغیز بیر مرته آوقت بیره‌دی که بو هم منطقه اهالیسیدن توپلنه‌دی.
او حاضر طالبان قماقخانه‌سیدن قاچگن. اونینگ ایتیشیچه، طالبان بیلن قرانغو کون‌لرنی تجربه قیلگن. «بیر ایناغم اویدن چیقیب و لفظی تارتیشوودن کیین طالبان جنگریلریدن بیری نی اولدیره‌دی، شو یوزه‌دن طالبان ایناغه‌لرینگ دولت گه ایشله‌یدی دیب مینی اوشلب آلدیلر، هییت نینگ ۴- کونیدن بویان حبس قیلگن ایدیلر و باشقه دوست‌لریم ایسه ایکی آیدن بویان توتقونگه ایکن. بیزلرنی کوپ کلتکله‌یدیلر و اوزلریدن قالگن نان نی بیزلرگه بیره‌دی ایدیلر.»
بیزلرنینگ توییترده هم تعقیب قیلینگ!
بیراق مملکت شمال شرقی ده ۲۱۷ پامیر قول اردو قومندانلیگی سوزلاوچیسی عبدالهادی نظری نینگ ایتیشیچه، خاص حربی کوچلرنینگ بیر عملیاتی ده امنیتی کوچلردن ۸ ته‌سی طالبان قماقخانه‌سیدن آزاد ایتیلگن.
طالبان بو توغریده حاضرگچه هیچ بیر نرسه دیمه‌گن، بیراق قوییب یوباریلگن محبوس‌لرنینگ ایتیش‌لریچه، ۲۰ دن آرتیق کیشی بیر قماقخانه ده سقلنه‌دی ایکن که اولرنینگ آره‌سیده تینچ‌اهالی هم موجود ایکن و طالبان بعضن اولرنی قیناققه ساله‌دی ایکن، تینچ‌اهالیدن باشقه بیر قطاری حاضرهم طالبان توتقونیگه دیر.
