چاروه‌چیلیک و سوغاریش وزیرلیگی نینگ تدقیقاتی انستیتوت عمومی ریاستی مسئوللری حضوری بیلن، بدخشان ده ۴۲ جریب ییرده ایکینچیلیک تدقیقاتی فارم ایجاد ایتیلگن.
بدخشان ده ایکینچیلیک، چاروه‌چیلیک و سوغاریش وزیرلیگی نینگ تدقیقاتی انستیتوت عمومی باشلیغی نصرت‌الله طلحه گه کوره، اوشبو ایکینچیلیک تدقیقاتی فارم ایجاد ایتیلیشی بیلن، مذکور ولایت ده‌گی باغدارلر گه قولی‌لیک‌لر یره‌تیلیشی ممکن. او نینگ ایتیشیچه، اوشبو فارم ده باغدارلر گه، درخت‌لر نینگ طبیعی کسل‌لیک‌لردن قوریقلش اوچون ایکینچیلیک متخصص‌لری تامانیدن آگاهی‌لیک بیریله‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «ریجه توزه‌تیب و یخشی میوه‌لی درخت‌لرنی بو ییرده آلیب کیلیشیمیز کیره‌ک. بو ییرده قنده‌ی درخت یخشی حاصل بیریشینی تحقیق‌لش لازم، ایکینچیلیک وزیرلیگی رهبریتیدن بوتوغریده بیزنی قوللب_قوتلشینی ایسته‌یمیز.»
باشقه تاماندن، مذکور ییغیلیش ده بدخشان ایکینچیلیک باشلیغی قطب‌الدین دهنوی گه کوره، اوشبو ایکینچیلیک تدقیقاتی فارم ۴۲ جریب ییرده قوریلگن.
او نینگ ایتیشیچه: «بیز ایکینچیلیک بولیمی متخصص‌لری بیلن مصلحت قیلیب و ایکینچیلیک تدقیقاتی بیر فارم ایجاد ایتیش اوچون بیر قرار گه کیلدیک.»
بدخشان ده‌گی باغدارلر، مذکور ایکینچیلیک تدقیقاتی فارم ایجاد ایتیلیشیدن خورسندلیک قیلیب ایتیشلریچه، بوندن کیین مذکور فارم دن اصلاح بولگن میوه‌لی کوچت‌لرنی قولگه کیلتیریش‌لری ممکن.
اولر، بدخشان ده اوشبو فارم ایجاد ایتیلیشینی باغدارلیک رواجلنیشی اوچون مهم دیه بهاله‌یدیلر.
بدخشان ده‌گی باغدارلردن عبدالصمد نینگ سلام‌وطندار گه ایتیشیچه: «بدخشان ده ایکینچیلیک تدقیقاتی فارم ایجاد ایتیلیشیدن جوده هم خورسند میز، چونکه اوتمیش ده بیز نی انیق جاییمیز یوق ایدی، بوندن بویان اوشبو تدقیقاتی فارم یاردمی بیلن درخت‌لریمیزنی دوالشی‌میز ممکن.»
بیزلرنینگ «ایکس» ترماغی ده هم تعقیب قیلینگ!
بدخشان ده‌گی باغدارلردن باشقه بیری حکیم‌الله گه کوره: «میوه‌لر اوچون ایکینچیلیک تدقیقاتی فارم ایجاد ایتیلیشیدن خورسند میز، بیزنی اوشبو ایکینچیلیک تدقیقاتی فارم دن باشقه نیازلریمیز کوپ دیر، مثال صورتده درخت‌لریمیز یخشی حاصل بیرمه‌یدی.»
مذکور باغدارلر گه کوره، اوتمیش ده باغدارلیک امکانیت یوق‌لیگی و ایکینچیلیک تدقیقاتی فارم‌سیزلیک، درخت‌لر نینگ طبیعی کسل‌لیککه چلینیشی، میون حاصلی کمه‌یشی گه سبب بولگن.
ایتیش کیره‌ک که، بدخشان ده اوتمیش ده درخت‌لر نینگ نباتی کسل‌لیککه چلینیشی طفیلی زیان کورگن باغدارلر، حاضر اوشبو ایکینچیلیک تدقیقاتی فارم ایجاد ایتیلیشیدن خورسندلیک قیلیب و درخت‌لری یخشی حاصل بیریش گه امیدوارلر.
