بدخشان امنیه قوماندانلیگی مسئوللری نینگ ایتیشلریچه، اوشبو ولایت درایم و ارگو تومنلری نینگ «قرلق» و «گنده چشمه» قیشلاغلریده، کوکنار ایکین‌زارلری نینگ یوق قیلینیشی جریانیده محل یشاوچیلری بیلن اسلام امیرلیگی خوفسیزلیک کوچلری آره‌سیده یوز بیرگن قیینچیلیکلر حل بولیب و مذکور تومن‌لرده وضعیت عادی حالت‌گه قیتگن.
بدخشان ولایتی ارگو تومنی یشاوچیلری نینگ ناراضلیک نمایشلری، نیچه کون آلدین اوشبو تومن‌ده کوکنار ایکین‌زارلری نینگ یوق قیلیش مقصد اسلام امیرلیگی خوفسیزلیک کوچلری آرقه‌لی ۲۵ یاشر ییگیت نینگ اولگنی نتیجه‌سیده، باشلنیب و ناراضلیک نمایشی نی یولگه قوییگنلر اولگن کیشی نینگ جسدی نی اوزلری بیلن ارگو تومنی مرکزی وحدت شهری گه آلیب کیتیب و بو تومن نینگ امنیه قوماندانلیگی بناسی برابریده ۲۵ یاشر ییگیت نینگ قتل عاملی محاکمه قیلینیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، اوشبو ناراضلیک نمایش درایم تومنی «قرلق» قیشلاغیده خوفسیزلیک کوچلری آرقه‌لی بیر کیشی نینگ اولگنی نتیجه‌سیده، بو تومن‌ده باشلنیب و ناراضلیک نمایشی نی یولگه قوییگنلر اولگن کیشی نینگ جسدی نی کوتاریب و عدالت ایسته‌گنلر.
اوشبو واقعه‌دن نیچه کون اوتگنی بیلن بدخشان خوفسیزلیک مسئوللری نینگ ایتیشلریچه، مذکور ایکی تومن‌ده یوز بیرگن قیینچیلیکلر قوم بویوک‌لری همکارلیگی بیلن حل بولیب و اولر گه کوره، وضعیت عادی حالت گه قیتگن.
بدخشان امنیه قوماندانلیگی سوزلاوچیسی احسان‌الله کامگار نینگ سلام‌وطندار گه ایتیشیچه، درایم و ارگو تومن‌لریده مخدره ماده قاچاقچیلری و مغرض کیشی‌لر آرقه‌لی کوکنار ایکینچیلری تحریکی بیلن اورته گه کیلگن توشینماوچیلیک یکونلنگن.
اونینگ کوپه‌یتیریشیچه: «بویوکلر، مسئوللر، آق سقاللر و محل یشاوچیلر نینگ سعی‌وحرکتی نتیجه‌سیده، کوکنار ایکینچیلری و مجاهدلر آره‌سیده بو قضیه و توشینماوچیلیکلر حل بولیب و حاضر ایسه الحمد‌الله ارگو و درایم تومنلری نینگ اوشبو ایکی منطقه‌سیده هیچ قنده‌ی قیین‌چیلیک یوق.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ارگو تومنی نینگ «گنده چشمه» قیشلاغی یشاوچیسی پیرمحمد نینگ سلام‌وطندار گه ایتیشیچه، محل یشاوچیلری مصلحت قیلماقده و بیر تینچ اهالی نینگ قتل عامللری تاپشیریلیشی شرطی بیلن ناراضلیک نمایشلری نی یکونلنتیرگنلر. ارگو تومنی «گنده چشمه» قیشلاغی یشاوچیسی نینگ کوپه‌یتیریشیچه: «اولگن کیشی گناه‌سیز بیر شکلده اولدیریلدی و اسلام امیرلیگی هیئتی‌دن قاتلی نینگ بیزلر گه تاپشیریلیشی نی ایسته‌یمیز.»
شونینگدیک ارگو تومنی «گنده چشمه» قیشلاغی یشاوچیلریدن باشقه بیری میراحمد نینگ ایتیشیچه: «حاضر ایسه وضعیت یخشی دیر؛ ناراضلیک نمایشلر حاکم و حاکم اورین‌باسری اچون یکونلنگن. اولر قاتل نینگ تاپشیریلیشی نی ایتگنلر و اهالی هم یالغیز قاتل نی ایسته‌یدیلر؛ باشقه هیچ جنجل یوق.»
درایم تومنی «قرلق» قیشلاغی یشاوچیسی جاوید نینگ سلام‌وطندار گه ایتیشیچه، اسلام امیرلیگی هیئتی اولر نینگ ایسته‌کلری نی قبول قیلگن؛ لیکن حاضرگچه عمل گه آشیرمه‌گن. اونینگ کوپه‌یتیریشیچه: «قاتل نینگ شهید عایله‌سی گه تاپشیریش گه سوز بیرگنلر؛ لیکن حاضرگچه سوزلری نی عمل گه آشیرمه‌‌گنلر. حاضر اهالی کوتیب تورگن.»
شونده‌ی بیرحالده، بدخشان ولایتی درایم و ارگو تومن‌لریده خوفسیزلیک کوچلری و محل یشاوچیلر آره‌سیده یوز بیرگن توقنشوو نتیجه‌سیده، ایکی تینچ اهالی نینگ اولگنی گه علاوه، بیش تینچ اهالی یره‌لنگن.
