افغانستان ده ایچکی و خارجی نادولتی مؤسسه‌لرده عیاللر نینگ ایشی توخته‌تیلیشی گه دایر اسلام امیرلیگی نینگ قراری گه قرشی مناسبت‌لر دوام ایتر ایکن، افغانستان اوچون امریکا نینگ مخصوص نماینده‌سی توماس وست، بو قرارنی مسئول‌سیز عنوان قیلگن.
جناب وست بوگون (یک‌شنبه، ۴ جدی) اوز توییتری ده یازیشیچه، اسلام امیرلیگی نینگ اوشبو قراری خارجی یاردم‌لر گه قره‌م بولگن میلیون‌لرچه کیشینی اولیم خطری بیلن دوچ قیله‌دی. اونینگ یازیشیچه: «انسان پرورلیک یاردم‌لر گه توسیق بوله‌دیگن اسلام امیرلیگی نینگ اوشبو قراری مسئول‌سیزلیک دیر.»
بیزلرنینگ فیسبوک صحیفه‌میزگه باش اورینگ!
افغانستان اوچون امریکا نینگ مخصوص نماینده‌سی گه کوره، اسلام امیرلیگی اهالی اوچون دستلبکی مسئولیت‌لری برابریده بی‌فرق دیر.
عین‌حالده شنبه کیچه، ۳جدی، اقتصاد وزیرلیگی ترقه‌تگن مکتوبی ده، ایچکی و خارجی نادولتی مؤسسه‌لرده عیال ایشلاوچیلر نینگ ایشلرینی توخته‌تدی. اوشبو مکتوب ده کیلیشیچه، نادولتی مؤسسه‌لرده عیاللر تامانیدن اسلام امیرلیگی نینگ قانون_قاعده‌لری رعایت ایتیلمسلیگی خصوصیده کوپ شکایت‌لر بولگن.
اقتصاد وزیرلیگی مذکور مکتوبی ده، مسئولیتینی ادا قیلیش مقصدیده، ایچکی و خارجی نادولتی مؤسسه‌لر گه، کیینگی امرگچه عیال خادم‌لری نینگ ایشینی توخته‌تیش بویروغینی بیرگنینی ایتگن. مذکور وزیرلیک، اوشبو دستور برابریده بی‌فرق بولگن اداره‌لر نینگ فعالیت جوازی لغو بولیشیدن آگاه‌لنتیرگن.
بیزلرنینگ توییترده هم تعقیب قیلینگ!
نادولتی مؤسسه‌لرده خاتین‌لر نینگ ایشی توخته‌تیلیشی گه دایر اسلام امیرلیگی نینگ قراری، ایچکی و خلق‌ارا مناسبت‌لر گه روپه‌ره بولگن.