اسلام امیرلیگی سرپرست حکومتی نینگ معلومات و مدنیت وزیرلیگی، بوگون (چهارشنبه، ۲-عقرب)، کابل ده یولگه قوییلگن برنامه‌ده، مدنیت و صنعت ایجادلری ییل‌لیک مکافاتلری نینگ ساوریندارلرینی تانیشتیرگن.
اوشبو وزیرلیک مسئوللری، قویاش ۱۴۰۳-ییل مدنیت و صنعت ایجادلری فیستیوالی نینگ تنلاو برنامه‌سیده، ادبیات، فرهنگ، ژورنالیزم، تئاتر، فیلم، هنرهای زیبا و تلویزیون بولیم‌لریده ایجادلری مکافات آلیش گه سزاوار تانیلگن مدنیتچیلر و صناعتچیلردن قطاری گه، نقدی مکافات بیلن آلقیش‌نامه ترقه‌تگنلر.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، مکافات آلیش گه سزاوار تانیلگنلر نینگ ایجادلری، شفاف بیر پروسه‌دن کیین ۴۰۰دن آرتیق اثر آره‌سیدن تنلنگن.
معلومات و مدنیت وزیرلیگی نینگ عامه‌وی مدنیت باشلیغی سیف‌الرحمان محمدی نینگ بو توغریده ایتیشیچه: «بو ییتی بولیم‌ده بو ییل ۴۶۴ اثر رقابت اوچون ثبت بولگن ایدی که داورلر نینگ رای بیرگنی اساسیده اولردن اینگ یخشی اثرلر تنلنگن.»
شونینگدیک مذکور فیستیوال نینگ حاکم‌لر هیئت عضوی محمد‌داوود ناظم نینگ ایتیشیچه: «هیچ بیر تاماندن هیچ قنده‌ی باسیم یوق ایدی که قیسی اثر بیرینچی و ایکینچی بولسین دیه. بو برنامه گه شرکت قیلگن اثرلردن برچه‌سی کامیاب دیر، بیراق مکافات آز دیر و اولر آره‌سیدن اینگ یخشی اثرلر نینگ تنلنیشی کیره‌ک.»
معلومات و مدنیت وزیرلیگی مسئوللری نینگ کوپه‌یتیریشلریچه، اوشبو برنامه مدنیتچیلر و صناعتچیلر نینگ قوللب-قوتلنیشی مقصد، یولگه قوییلگن. شونینگدیک اولر مدنیتچیلر و صناعتچیلردن، فرهنگی ایشلریده کوپراق مملکت نینگ اسلامی ارزشلری و فرهنگی تمدنی گه توجه قره‌تیشلرینی ایسته‌گن.
بو توغریده اسلام امیرلیگی معلومات و مدنیت وزیرلیگی نینگ مدنیت و صنعت معینی عتیق‌الله عزیز نینگ ایتیشیچه: «معلومات و مدنیت وزیرلیگی، بو کبی برنامه‌لر و رقابت‌لر نینگ یولگه قوییش نی اوز مسئولیتی بیله‌دی و شونینگدیک مملکت ارزشلری و فرهنگ کینگه‌یشی و سقلنیشی توغریسیده فایده‌لی آدیم‌لر نینگ آلیش ایسته‌یدی.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، مدنیت و صنعت ایجادلری نینگ تنلاو برنامه‌سی گه شرکت قیلگنلر، مملکت‌ده صنعت و مدنیت بولیم‌لریدن حمایت بولینیشی اوچون کوپراق توجه قره‌تیلیشینی ایسته‌گنلر.
بو برنامه گه شرکت قیلگنلردن بیری ثریا جلالی نینگ ایتیشیچه: «حاضرگچه هنرهای زیبا بولیمی‌ده بیش اثریم بار و خوش‌بختانه که بو اثرلریم‌دن بیرینی رقابت گه قویگن‌مین.»
شونینگدیک بو برنامه گه شرکت قیلگنلردن باشقه بیری حبیب‌الرحمان غفاری نینگ ایتیشیچه: «فرهنگ بولیمی‌ده هر قنچه برنامه‌لر یولگه قوییلسه، اوشنچه فرهنگ رواجلنتیریلیشی و اهالی ارزشلری گه کوپ فایده‌لی بوله‌دی.»
ایتیش کیره‌ک که، هر ییلی مملکت‌ده مدنیت و صنعت ایشلریدن حمایت بولینیشی مقصد، معلومات و مدنیت وزیرلیگی آرقه‌لی مذکور فیستیوال یولگه قوییله‌دی.
