بیرلشگن ملت‌لر تشکیلاتی، سودان ده اوچ کوندن بویان دوام ییتیب کیله‌یاتگن توقنشوولر تلفاتی آشیشیدن خبر بیریب ایتیشیچه، اوشبو توقنشوولر عاقبتیده ۱۸۰ دن آرتیق کیشی هلاک بولیب و کمیده بیر مینگ ۸۰۰ کیشی یره‌لنگن.
پروان امنیه قوماندانلیگی مسئوللری، مذکور ولایت نینگ جبل‌السراج تومنی حدودلری ده، محمد‌صادق ناملی ۲۵ یاشر بیر ییگیت نینگ اولدیریلگنیدن خبر بیرگنلر. پروان امنیه قوماندانلیگی سوزلاوچیسی محمد‌کامران حبیبی نینگ سلام‌وطندار گه ایتیشیچه، مذکور یاش ییگیت یک‌شنبه کیچه، ۲۷-حمل، تراویح نمازی نی اوقیش‌دن کیین، جبل‌السراج تومنی اطرافیده اولدیریلگن.
پروان قیشلاق‌لر نی رواجلنتیریش و قیته قوریش ریاستی مسئوللری، خلق‌ارا آزیق-آوقات تشکیلاتی آرقه‌لی پروان نینگ نیچه تومنیده ۹۷۲۵ نیازمند عایله گه ییگولیک ماده ترقه‌تیلگنی‌دن خبر بیرگنلر.
قان ملی بانکی مسئوللری دوشنبه کونی، ۲۸ حمل، کابل شهری ده ساغلیق‌نی سقلش وزیرلیگی تامانیدن «خلق‌ارا هیموفیلیا» کونی مناسبتی بیلن یولگه قوییلگن ییغیلیش ده ایتیشیچه، حاضر مملکت بویلب اوشبو کسل‌لیککه چلینگن‌لر سانینی انیقلش اوچون تیکشیرو اوتکزیلمه‌گن، بیراق اوچ مینگ دن آرتیق کیشی مذکور کسل‌لیککه چلینگن.
اسلام امیرلیگی منطقه مملکت‌لری بیلن دیپلماتیک مناسبتینی کینگه‌یتیریش مقصدیده سعی‌وحرکت قیلماقده ایکن، اسلام امیرلیگی سوزلاوچیسی گه کوره، مذکور مملکت تشقی ایشلر وزیرلیگی بیلن سابق حکومت دیپلمات‌لری نینگ فعالیتی و هماهنگ‌لیگی گه علاوه، اولر حاضرگچه ۱۰ دن آرتیق مملکت گه دیپلمات و ینگی ایلچی یوباریشگن.
لوگر ولایتی کسلخانه‌سی مسئوللری نینگ ایتیشلریچه، یک‌شنبه کونی، ۲۷ حمل، اوشبو ولایت نینگ کسلخانه‌لریدن بیری ده بیر عیال تورت ایگیزک دنیا گه کیلتیرگن.
کابل شهری ده «قالین‌بافی افغان‌رگ» ایشخانه‌سیده قریب ۲۰۰ عیال قالین توقیش بیلن مصروف دیر؛ بیرقطاری یونگ ایگیره‌دی، بیرقطاری ایپ اوتکزه‌دی و باشقه بیرقطاری هم اِلمک اوریش بیلن قول‌لری آستیده‌گی قالین‌لر گه نقش و گوزه‌للیک بخیشله‌یدیلر. اوچ شاگردی بیلن اِلمک اوریش گه مصروف نیکبخت نینگ ایتیشیچه، مناسب درآمد تاپیش اوچون اوشبو ایشخانه گه ایشله‌ماقده دیر.
کابل ده اقتصادی قیینچلیک باعث ایشیگی یاپیلگن خصوصی مکتب‌لردن بیرقطاری نینگ مسئوللری گه کوره، اوقووچیلر سانی آزلیگی و اقتصادی قیینچیلیک باعث، مکتب‌لرینی یاپیش گه مجبور بولیشگن.
بامیان ولایتیده‌گی محلی منبع‌لر، اوشبو ولایت نینگ مرکزی حدودلری «ککرک» قیشلاغی ده بیر ییگیت اوزینی دار گه آسیب اولدیرگنیدن خبر بیره‌دیلر. محلی بیر منبع گه کوره، ۱۷ یاشر «ذکریا» اسملی مذکور ییگیت حیدرآباد لیسه‌سی اون ایکینچی صنف اوقووچیسی ایکن.
غور امنیتی مسئوللری گه کوره، اوشبو ولایت نینگ تیوره‌ی تومنیده ۲۵ یاشر بیر ییگیت، بوگون (یک‌شنبه، ۲۷ حمل) ایپ بیلن اوزینی آسیب اولدیرگن.
سرپل امنیتی رسمی‌لری، اوشبو ولایت مرکزی «انگوت عربیه» قیشلاغی ده بیر دهقان پیچاقله‌نیب اولدیریلگنیدن خبر بیره‌دیلر. سرپل امنیه قوماندانلیگی سوزلاوچیسی دین‌محمد نظری نینگ سلام‌وطندار گه ایتیشیچه، مذکور ولایت نینگ مرکزی «انگوت عربیه» قیشلاغی ده ۴۵ یاشر «گلاب‌الدین» اسملی کیشی نامعلوم کیشی‌لر تامانیدن پیچاقله‌نیب اولدیریلگن.
افغانستان هواشناس‌لیک ریاستی، بوگون (یک‌شنبه، ۲۷ حمل) بیر بیانیه ترقه‌تیب، مملکت نینگ ۲۶ ولایتیده احتمالی قار، یامغیر یاغیش و سوو تاشقینی یوز بیریشیدن آگاه‌لنتیرگن.
«کسلی‌میز نینگ وضعیتی یخشی بولمه‌گنی و سکته مغزی قیلگنی نی ایتدیک. اتاق‌ده جای یوقلیگی سبب، سالن‌ده قالیشی یخشی ایمس دیدیک. اولر اتاق‌لرده جای یوقلیگی نی بیان قیلیب و سالن‌لردن باشقه ییر یوقلیگینی ایتدیلر. جای یوقلیگی سبب، کسلی‌میز سالن‌ده قالدی. کیچه ساعت ۱۲دن ایرته‌سی کونی ساعت ۱۲ گه قدر سالن‌ده قالدیک که، اوندن کیین اتاق گه انتقال تاپدی.»
افغانستان نینگ شمال و شرقی ولایت‌لری مناسب آب‌وهوا و سیر سوولیگی سبب چاروه‌چیلیککه مشهور دیر؛ بیراق سونگی کون‌لرده مذکور ولایت‌لر اینیقسه تخار ده‌گی چاروه‌چیلر اوت یوقلیگی سبب جدی قیینچیلیک بیلن روپه‌ره بولیب و اولرنی خواطرینی کوچه‌یتیرگن.
افغانستان ییگولیک ماده و دارو ملی اداره‌سی گه کوره، افغانستان ده ۵۶ دارو ایشلب چیقریش کمپنیه، ایکی مینگ ۱۰۰ قلم دارو ایشلب چیقریش بیلن مملکت ده‌گی ۱۵ فایز ایچکی نیازلرنی تأمین قیلماقده دیر.
بدخشان معلومات و مدنیت ریاستی رسمی‌لری، اوشبو ولایت مرکزی فیض‌آباد ینگی شهری حدودلریده یاش بیر ییگیت اوزینی دار گه آسیب اولدیرگنیدن خبر بیره‌دیلر. بدخشان معلومات و مدنیت باشلیغی معزالدین احمدی نینگ ایتیشیچه، بوگون (یک‌شنبه، ۲۷ حمل) مذکور ولایت مرکزی فیض‌آباد ینگی شهری حدودلریده ۲۵ یاشر «احمدخالد» اسملی بیر ییگیت، اوزینی دار گه آسیب اولدیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
