بغلان ولایتی کینگش عضوی سمیع‌الدین ناظر نینگ سلام‌وطندارگه ایتیشیچه، نماینده‌لر کینگشی سابق عضوی و مملکت اسماعیلیه‌لر کینگشی نینگ عمومی باشلیغی سیدداوود نادری اوشبو ولایت نینگ دوشی تومنی‌نی «مکتب کیله‌گی» منطقه‌سیده طالبان کمین‌نی بیلن روپه‌ره بولگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
سمیع‌الدین ناظر نینگ کوپه‌یتیریشیچه، بو واقعه‌ده جناب نادری نینگ ۴ قوروقچی‌سی هلاک و باشقه ۵ قوروقچی‌سی یره‌لنگن. اونینگ ایتیشیچه، بوگون “سه‌شنبه” اسماعیله‌لر کینگشی عمومی باشلیغی اوشبو کینگش باشقه بیرقطار بویوک‌لری بیلن پلخمری شهری تامان باره‌دیگن پیت‌ده بو واقعه یوز بیرگن.
بغلان ولایتی کینگش اوشبو عضوی نینگ ایتیشیچه، سیدداوود نادری‌گه زیان ییتیشمه‌گن و اولر قیته‌دن دوشی تومنی‌گه بارگنلر. اونینگ کوپه‌یتیریشیچه، اسماعیلیه‌لر کینگشی باشلیغی سفریدن آلدین امنیتی نهادلرنی جریان‌گه قوییگن ایکن، لیکن امنیتی مسوول‌لر بی‌فرق یانده‌شگن.
عین‌حالده، امنیتی منبع‌لرنینگ ایتیش‌لریچه، طالبان جنگریلری جناب نادری نینگ قوروقچی‌لرینی قورال و حربی تجهیزات‌لرینی اوزلری بیلن آلیب کیتگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
بوتوغریده بغلان امنیتی و محلی مسوول‌لری فکرینی آلیش اوچون سعی و حرکت قیلدیک، لیکن موفق بولمه‌دیک.
طالبان گروهی حاضرگه‌قدر بوتوغریده فکر بیلدیرمه‌گن.
