پاملرنه مؤسسهسی دوشنبه کونی، ۲۶ جدی، ترقهتگن بیانیهسیده افغانستان ده اوز فعالیتینی قیته باشلشیدن خبر بیرگن.
پاملرنه مؤسسهسی نینگ کوپهیتیریشیچه، اوشبو اداره نینگ عیال ایشلاوچیلری گه اسلام امیرلیگی تامانیدن رخصت بیریلیشیدن کیین، افغانستان ده فعالیتینی قیته باشلش گه قرار قیلگن.
بیزلرنینگ فیسبوک صحیفهمیزگه باش اورینگ!
پاملرنه مؤسسهسی نینگ یازیشیچه، اوشبو تشکیلات افغانستان ده اوز فعالیتینی ساغلیک و آوقات بولیملریده قیته دن باشلهیدی.
مذکور نهاد گه کوره، ساغلیقنی سقلش وزیرلیگی اوشبو نهاد نینگ عیال ایشلاوچیلری امنیت و چیکلاوسیز فعالیت قیلیشیدن ایشانچ بیلدیرگن.
بالهلردن حمایت قیلووچی تشکیلات افغانستان ده اوز فعالیتلریدن بیر بولیمینی باشلهشیدن خبر بیرگندن کیین، پاملرنه مؤسسهسی افغانستان ده اوز فعالیتیگه دوام بیریشینی ایتگن.
پاملرنه مؤسسهسی نینگ ایتیشیچه، اوشبو نهاد اوز فعالیتلری دوامی اوچون عیال ایشلاوچیلری گه نیازمند دیر.
بیزلرنینگ توییترده هم تعقیب قیلینگ!
مذکور مؤسسه، ایچکی و خارجی نادولتی مؤسسهلرده عیال ایشلاوچیلر گه یرهتیلگن چیکلاو تیزلیک بیلن بیکار قیلینیب و اولر افغانستان ده اوز فعالیتلرینی اساسی شکلده دوام بیریش گه امید بیلدیرهدی.
ایتیش کیرهک که، اسلام امیرلیگی ۲۰۲۲_ییل ۲۴ دسمبر ده ایچکی و خارجی نادولتی مؤسسهلرده عیال ایشلاوچیلر نینگ ایشینی کیینگی امرگچه توختهتیشیدن کیین، پاملرنه و باشقه خلقارا تشکیلاتلردن قطاری افغانستان ده اوز فعالیتلرینی توختهتدیلر.