تخار ولایتیدن بیرقطار مبنع‌لر‌نینگ ایتیش‌لریچه، اوشبو ولایت نینگ درقد تومنیده طالبان گروهی نینگ لایزری قطعه‌سینی هجومی نتیجه‌سیده، امنیتی کوچلردن ۱۱ ته‌سی هلاک و یره‌لنگن.
درقد تومنیدن کیم‌لیگی سیرقالیشنی ایسته‌گن بیر منبع نینگ سلام‌وطندارگه ایتیشیچه، طالبان جنگریلری اوتگن کیچه اوشبو تومن نینگ مرکزیده ملی اردو بیر پوسته‌سی اوستیگه هجوم قیلگن و نتیجه‌ده ملی اردو کوچلری نینگ تولی قومندانی شامل ۵ حربی هلاک و باشقه ۶ حربی یره‌لنگن.
منبع نینگ کوپه‌یتیریشیچه، امنیتی کوچلر و طالبان آره‌سیده یوز بیرگن آتیشمه کیچه ساعت ۱۲ باشلب و ایرته‌لب ساعت ۴ کچه دوام قیلگن.
منبع گه کوره، هوا ساووق‌لیگی سبب، دولتی کوچلر بو واقعه‌ده یره‌لنگنلرنی کسلخانه‌گه انتقال بیریش‌گه موفق بولمه‌گن.
عین‌حالده، ۲۱۷- پامیر قول اردو قومندانلیگی نینگ مطبوعاتی مسوولی عبدالهادی نظری، طالبان هجومی‌نی تصدیق‌لگن، بیراق تلفات خصوصیده معلومات بیرمهگن.
اوشبو واقعه مسوولیتینی طالبان گروهی بوینیگه آلگن. بو گروه سوزلاوچیسی‌لریدن بولمیش ذبیح‌الله مجاهد نینگ سلام‌وطندارگه ایتیشیچه، اوتگن کیچه درقد تومنی نینگ مرکزیده امنیتی کوچلر و طالبان جنگریلری آره‌سیده یوز بیرگن آتیشمه‌ده امنیتی کوچلردن ۵ ته‌سی هلاک و باشقه ۶ ته‌سی یره‌لنیب و شونینگدیک، بیر هاموی تانگ تخریب بولگن.
او، مذکور آتیشمه‌ده طالبان بیر جنگری‌سی نینگ هلاک ایتیلگنی‌نی تصدیق‌لگن.