قندهار امنیتی منبع‌لری نینگ ایتیش‌لریچه، اوشبو ولایتده نفوذلی بیر پولیس ۹ یاردمچی‌سینی اوققه توتگن.
قندهار ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، نفوذلی بیر پولیس اوتگن “یکشنبه” کیچه اوشبو ولایت نینگ ارغنداب تومنینی «باغ سرکاری» منطقه‌سیده هم‌قطارلریگه قرشی اوق آتگن و نتیجه‌ده ۹ پولیس هلاک ایتیلگن.
قندهار حوزه‌یی کسلخانه‌سی داکترلریدن بیری نینگ کیم‌لیگی سیرقالیش‌نی ایسته‌ب ایتیشیچه، اوتگن کیچه شدتلی یره‌لنگن ۹ پولیس اوشبو کسلخانه‌گه انتقال بیریلگن و نیچه مدتدن سونگ جان بیرگنلر.
قندهار پولیس قومندانلیگی خوفسیزلیک آمری فرید مشعل نینگ ایتیشیچه، بو واقعه‌نی تیکشیریش اوچون بیر هیات محل‌گه بارگن و نتیجه میدیالر بیلن شریک قیلینه‌دی.
حاضرگه‌قدر هیچ‌بیر گروه یا-ده کیشی بو واقعه مسوولیتی‌نی بوینیگه آلمه‌گن.
بیراق، طالبان سوزلاوچی‌لریدن بولمیش یوسف احمدی نینگ توییتر صحیفه‌سیده یازیشیچه، اوتگن کیچه ارغنداب تومنی نینگ «باغ سرکاری» منطقه‌سیده بیر پوسته‌گه بولگن کوچلر آره‌سیده یوز بیرگن آتیشمه‌ده مذکور پوسته‌گه بولگن ۱۴ پولیس هلاک ایتیلگن. اونینگ ایتیشیچه، هجومچی بیرقطار قورال و اوق بیلن طالبان گروهی‌گه قوشیلگن.
