جوزجان محلی رسمی‌لری نینگ ایتیش‌لریچه، اوشبو ولایت فیض‌آباد تومنی نینگ «بالا مردیان» قیشلاغیده یوز بیرگن یانغین‌لر نتیجه‌سیده زیان کورگنلر گه یاردم بیریش اوچون، عاجل ییغین یولگه قوییگنلر.
مذکور قیشلاغ‌ده یوز بیرگن یانغین نتیجه‌سیده زیان کورگنلر گه یاردم بیریش مقصدیده، اوشبو ییغین جوزجان ولایتی مقامی‌ده دولتی اداره‌لردن بیر قطار رئیس‌لر و یاردم بیرووچی موسسه‌لر نینگ حضوری بیلن یولگه قوییلگن.
بیزلرنینگ توییترده هم تعقیب قیلینگ!
مذکور ییغین‌ده جوزجان حاکمی شعیب رسالت، دولتی اداره‌لر رئیس‌لری و یاردم بیرووچی نهاد‌لردن بیر سروی آرقه‌لی «بالا مردیان» قیشلاغیده یوز بیرگن یانغین‌لر سبب، زیان کورگنلر گه یاردم بیریلیش نی ایسته‌گن.
«بالا مردیان» قیشلاغی، جوزجان ولایتی فیض‌آباد تومنی نینگ قیشلاغ‌لریدن بیری دیر که حاضر طبیعی بیر یانغین‌ده یانه‌دی. اوشبو یانغین نتیجه‌سیده، اونلرچه اوی یانیب و شونینگدیک اونلرچه عایله آواره بولگن.