مملکت تشقی ایشلر وزیرلیگی نینگ سرپرستی، افغانستان وضعیتی گه دایر روسیه ده «مسکو فرمت» ییغیلیشی ده اشتراک ایتیشی کوتیله‌دی.
خلق‌ارا میدیالر نینگ معلوماتی اساسیده، اسلام امیرلیگی تشقی ایشلر وزیرلیگی نینگ سرپرستی امیرخان متقی، افغانستان وضعیتی گه دایر منطقه دولت‌لری «مسکو فرمت» ییغیلیشی ده تکلیف قیلینگن.
بیزلرنینگ فیسبوک صحیفه‌میزگه باش اورینگ!
افغانستان وضعیتی گه دایر منطقه دولت‌لری «مسکو فرمت» ییغیلیشی جمعه کونی ۲۹ سپتمبر، روسیه نینگ «کازان» شهری ده یولگه قوییلیشی کوتیله‌دی.
معلومات‌لر گه بناً، «مسکو فرمت» ییغیلیشی ده اشتراک ایتیش تکلیف‌نامه، اوتگن آی رسمی روشده کابل ده روسیه ایلچیسی تامانیدن امیرخان متقی گه تاپشیریلگن.
روسیه تشقی ایشلر وزیرلیگی سوزلاوچیسی ماریا زاخارووا ژورنالیست‌لر گه، منطقه مملکت‌لر نماینده‌لری مسکو ییغیلیشی ده افغانستان نینگ حاضرگی وضعیتی حقیده بحث ایتیش‌لرینی ایتگن ایدی.
بیزلرنینگ توییترده هم تعقیب قیلینگ!
بوندن آلدین، مملکت تشقی ایشلر وزیرلیگی سوزلاوچیسی عبدالقهار بلخی، بو کبی مهم ییغیلیش‌لرده اسلام امیرلیگی نماینده‌سی چقیریلمسلیگی، افغانستان بیلن مملکت‌لر نینگ تعاملی اوستیگه سلبی تأثیر قیلیشیدن آگاه‌لنتیرگن ایدی.
مسکو فرمتی میلادی ۲۰۱۷_ییلی افغانستان ده ملی یره‌شوو جریانینی آلغه آلیب باریش مقصدیده شکللنگن و افغانستان باره‌سیده مسکو فرمتی آلدینگی ییغیلیشی، اوتگن ییلی نوامبر آی ده بولیب اوتگن.