اسلام امیرلیگی تشقی ایشلر وزیرلیگی سرپرستی امیرخان متقی، غرب مملکت‌لریدن ایلچی‌خانه‌لرینی کابل ده آچیش‌لرینی طلب قیلگن.
متقی جنابلری، تشقی ایشلر وزیرلیگیده یولگه قوییلگن ییغیلیشده، افغانستان نینگ خوفسیزلیک وضعیتی گه دایر خواطر بیلدیره‌دیگن مملکتلر، اۉز خواطرلری گه چېک قوییش اوچون کابل ده ایلچی‌خانه‌لرینی آچیشی کېره‌ک دیگن.
متقی گه کوره: «خواطرده بولسنگیز کېلیب ایلچی‌خانه‌لرینگیزنی آچینگیزلر، جرات قیلیب و دیپلماتیک همکارلیک یولی آرقه‌لی احوالنی یقیندن کېلیب کوزه‌تینگلر، افغانستان گه کیلگن‌لر نینگ بو مملکت دن یخشی خاطره‌لری بار.»
بیزلرنینگ فیسبوک صحیفه‌میزگه باش اورینگ!
بلومبرگ نشریه‌سی ینگی گزارشیده، اروپا مملکت‌لری دیپلماتیک منبعلریدن نقل قیلیب بیرقطار مملکتلر افغانستانده دیپلماتیک نماینده‌لیک‌لرینی آچیش مسئله‌سینی تېکشیرماقده‌لیگی حقیده گزارش ترقه‌تگن بیرحالده، تشقی ایشلر وزیرلیگی سرپرستی بونده‌ی طلب نی قیلگن.
اوشبو نشریه نینگ گزارشیده، ایتالیا و اسپانیا دن دیپلماتیک منبعلر بونده‌ی سعی-حرکت‌لرنی تصدیق له‌گن و اولر ارا ایتالیا بو مسئله‌نی تېکشیریش اوچون بیر هیئت کابل گه یوبارگنینی بیلدیرگن.
بیراق اسلام امیرلیگی بونده‌ی موضوع‌دن خبرسیزلیگینی بیلدیریب و سرپرست حکومت و تشقی ایشلر سۉزلاوچیلری بوتوغریده سلام‌وطندار نینگ سوال‌لری گه جواب قیترمه‌دیلر.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه ایش بیلرمان‌لر نینگ ایتیشلریچه، امریکا قۉشمه ایالتلری بیلن شریک مملکتلر نینگ کابل بیلن دیپلماتیک مناسبت برقرار اېتیش اوچون علاقه‌مندلیگی، امریکا افغانستانده خوفسیزلیک خواطرینی تېکشیریش و شونینگدیک بو مملکتلر نینگ اقتصادی و سیاسی منفعتی اوچون بولیشی ممکن.
خلق‌ارا مناسبت‌لر ایش بیلرمان‌لریدن نورالرحمان ثاقب نینگ سلام‌وطندار گه ایتیشیچه: «غرب مملکت‌لری و امریکا بیلن شریک اولکه‌لر، اسلام امیرلیگی بیلن همکارلیک قیلیش اوچون سعی-حرکت قیلماقده‌لیک‌لرینی اویله‌ی من.»
شونینگدیک، ایش بیلرمان‌لر افغانستانده مملکتلر نینگ نفوذ قیلیش رقابتینی مذکور مملکتلر افغانستانده اۉز منفعت و اېستک‌لرینی یقیندن کوزه‌تیش اوچون اسلام امیرلیگی بیلن همکارلیک قیلیش باشقه عاملی عنوان قیله‌دیلر.
سیاسی ایش بیلرمان نجیب‌الرحمان شمال گه کوره: «اسلام امیرلیگی سیاسی و دیپلماتیک مناسبتینی مستحکم‌لش اوچون خوفسیزلیک، همه‌شمول حکومت شکللنیشی، انسان حقلری و باشقه موردلرنی قبول قیلیشی کېره‌ک.»
ایتیش کېره‌ک، بوندن آلدین اسلام امیرلیگی نیچه مراتبه مملکت‌لردن اسلام امیرلیگی بیلن همکارلیک قیلیب و دنیا همجمعیت و اوشبو حکومت اۉرته‌سیده‌گی معما گه چېک قوییش‌لرینی اېسته‌گن.
