سوریه جمهور باشلیغی احمد الشرعنینگ اعلام قیلیشیچه، دمشق نیچه مملکت اشتراکیده اسرائیل بیلن خوفسیزلیک کیلیشوویگه ایریشیشگه سعیوحرکت قیلماقده.
الجزیره خبری ترماغینینگ بوگون (۵-اسد/۲۷-جولای، دوشنبه)، گزارش بیریشیچه، الشرع مذکور خوفسیزلیک کیلیشوونینگ منطقهده کینگ قمراولی تینچلیکنی تامینلش اوچون امکانیت یرهتیشیگه امیدوارلیک قیلگن.
شونینگدیک او، بوندهی کیلیشوو سوریهنینگ اشغال آستیدهگی جولان تیپهلیکلری اوستیدن حاکمیت حقوقیدن واز کیچیشینی انگلتمسلیگیگه تاکیدلهگن. الشرع گه کوره، اسرائیل بو حدودنی ۱۹۷۳-ییلدن بیری ناقانونی روشده باسیب آلگن.
الشرعنینگ کوپهیتیریشیچه، سوریه اسرائیل بیلن هر قندهی حربی توقنشوودن قاچماقده و خوفسیزلیک کیلیشووی موجود انقراضلر اوچون ینهده کینگ قمراولی ییچیمگه ایریشیش یولینی آچیشی ممکن.
اوشبو بیانات، احمد الشرع ۲۰۲۴-ییل دسمبر آییده بشار اسد حکومتی قولهگنیدن کیین قدرت گه ایریشگنیدن بیری اسرائیل سوریه جنوبیدهگی نیچه حدودنی هوا هجوملری و حربی عملیات آرقهلی نشانگه آلیب کیلهیاتگنی بیر پیتده، بیان قیلگن.
