کابل یشاوچیلردن قطاری ایسکیرگن پول‌لر خصوصیده شکایت قیلیب و ایتیش‌لریچه، اوشبو پول‌لر چلیش‌دن قالگن که بو مسئله اولر نی کوپینچه قیینچیلیک بیلن روپه‌ره قیلگن. اولر نینگ کوپه‌یتیریش‌لریچه، حاضر پول‌لر جوده‌یم ایسکیرگن و اسلامی امارت ایسکیرگن پول‌لر اورنیده ینگی پول چاپ قیلیشی کیره‌ک.
کابل یشاوچیلریدن مختار نینگ ایتیشیچه: «پول‌لر جوده‌یم ایسکیرگن و انه‌شوو سبب کوپ قیینچیلیک بیلن روپه‌ره بولگن‌میز. ایسکیرگن پول‌لر نی مصرف قیلگنی‌میز پیتده، مذکور پول‌لر ینه هم قیته بازار گه کیله‌دی. مسئوللردن ینگی پول چاپ بولیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو شهر دوکان‌دارلریدن عتیق‌الله سلام‌وطندار بیلن اوتکزگن صحبتی‌ده اسلامی امارت‌دن ایسکیرگن پول‌لر نی بازار‌دن توپلب و اونینگ اورنیده ینگی پول چاپ قیلینیشی نی ایسته‌گن.
اونینگ ایتیشیچه: «مذکور پول‌لر ایسکیرگن و بیزلر گه کوپینچه قیینچیلیک ایجاد قیلگن. مشتری گه پول بیرگنی‌میز پیتده، پول نی ایسکیرگنی سبب، آلمه‌یدیلر. حکومت بو قیینچیلیک نی تیزلیککه حل قیلیشی کیره‌ک.»
باشقه بیر تاماندن، خصوصی بیر نهاد ایشلاوچیسی نعمت‌الله حقیار نینگ ایتیشیچه، پول‌لر نینگ ایسکیریشی خصوصیده اهالی هم مقصر دیر، چونکه اوشبو پول‌دن قوللش پیتده، احتیاط قیلمه‌یدیلر.
اقتصادی ایش بیرلرمان‌لر نینگ ایشانچ‌لریگه کوره، حاضرگی پول‌لر ینه بیر قنچه مدت‌گچه بازارده چلینگنی و ینگی پول چاپ بولمه‌گنی پیتده، اینگ یقین زمان‌ده مملکت یشاوچیلری باشقه مملکت پول‌لری نینگ قوللنیشلری ممکن.
بیلیم یورت اوقیتووچیسی و اقتصادی مسئله‌لر بیلرمانی عبدالوافیع نایبزی نینگ سلام‌وطندار گه ایتیشیچه، حکومت ینگی پول چاپ قیلیش‌دن آلدین، حاضرگی پول‌لر نینگ کنترولی اوچون بدیل یول‌دن قوللنیشی کیره‌ک.
ایتیلیشچه، کمیده ایکی ییل‌دن بیری مملکت گه ینگی پول کیریتیلمه‌گن و بازارده موجود بولگن پول‌لر هم مکمل شکلده ایسکیریب و چلیش‌دن قالگن دیر.
بیزلرنینگ توییترده هم تعقیب قیلینگ!
گرچند سابق حکومت اوتمیش میلادی ییل نینگ باشیدن ینگی افغانی پول چاپ قیلینیشی اوچون خارجی بیر شرکت بیلن قرار‌داد قیلگن ایدی، بیراق اسلامی امارت نینگ قدرت گه ایریشگنی بیلن، اوشبو پروسه آرتگه قالدیریلیب و حاضرگچه اوندن هیچ بیر خبر یوق.
ایتیش کیره‌ک که، جمهوریت توزومی‌ده هر ییل ۵ میلیارد‌دن آرتیق پول اوت بیریلیب و اونینگ اورنیده ینگی پول چاپ بوله‌ر ایدی. بیراق اسلامی امارت حاضرگچه ینگی پول چاپ قیلیش گه موفق بولمه‌گن.