کابل یشاوچیلریدن قطاری نینگ ایتیشلریچه، دالر برابریده افغانی ارزشی کوپه‌یگنی بیلن، بیراق بازارلرده دستلبکی آزیق-آوقت محصولاتی قیمتی‌ده هیچ تغییر کیلمه‌گن.
بو توغریده کابل شهری یشاوچیلریدن شهرام نینگ ایتیشیچه: «دالر برابریده افغانی ارزشی کوپه‌یب، حاضرگچه قیمت‌لر تغییر قیلمه‌گن دیب سوره‌گنیمیزده، اولر دنیا سطحی‌ده قیمت‌لر کوپه‌یگن دیه‌دیلر و شونینگدیک اسلام امیرلیگی باجخانه تعرفه‌سینی یوقاری کیتگزگن دیه‌دیلر. مثلا اون کون آلدین یاغ نی ۴۳۰ افغانی گه ساتیب آلگنیمیز بیرحالده، حاضر ایسه ۵۳۰ افغانی بولگن.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن باشقه بیری فرید‌الله نینگ ایتیشیچه: «کابل بلدیه‌سی آزیق-آوقت محصولاتی قیمتی تعیین‌لنیشی‌ده توجه قیلیشی کیره‌ک، چونکه اهالیدن کوپ قطاری ایش‌سیز و اقتصادی قیین‌چیلیگی بار.»
افغانستان سودا و سرمایه یاتقیزووچی اتاق مسئوللری نینگ ایتیشلریچه، دالر برابریده افغانی ارزشی کوپه‌یگنی بیلن سوداگرلر، تجاری توارلر قیمتی نینگ کمه‌یتیریشلری کیره‌ک.
اوشبو اتاق اورین‌باسری یونس مهمند نینگ ایتیشیچه، کابل بلدیه‌سی کابل شهری بازارلریده آزیق-آوقت محصولاتی نینگ ساتیلیش قیمتی نی نظارت قیلسین. «بیر کون بیر دالر بیر افغانی الی ایکی افغانی کوپه‌یگنی صورت‌ده، اونینگ بیلن آزیق-آوقت محصولاتی قیمتی یوقاری کیته‌دی، بیراق دالر برابریده افغانی ارزشی کوپه‌یگنی بیلن عمده ساتووچیلر و دکاندارلردن برچه‌سی نینگ بو بولیم‌ده همکارلیک قیلیشلری نی آرزو قیله‌من.»
کابل بلدیه مسئوللری نینگ ایتیشلریچه، بازارلرده دستلبکی ماده‌لر ساتیلیشی اوچون نرخ‌نامه تعیین قیلگنلر و شونینگدیک ساتووچیلر اوشبو نرخ‌نامه اساسیده توارلری نینگ ساتیشلری کیره‌ک.
بیزلرنینگ فیسبوک صحیفه‌میزگه باش اورینگ!
کابل بلدیه‌سی نینگ فرهنگی مصلحتچیسی نعمت‌الله بارکزی نینگ ایتیشیچه: «نرخ‌نامه دستلبکی ماده‌لردن عبارت دیر. ۳ یریم الی ۴ افغانی فرق بیلن بازار گه کیلگن. مثال بیرگنیمیزده ایته آله‌میز که پترول ۹۲، ۶۴ افغانی ایدی که حاضر ۵۸ افغانی دیر و بوندن آلدین گاز قیمتی ۵۲ افغانی ایدی که حاضر ایسه ۴۸ افغانی دیر.»
شونده‌ی بیرحالده، بلدیه آرقه‌لی تعیین‌لنگن دستلبکی ماده‌لر نرخ‌نامه‌سی اساسیده، سونگی هفته‌لرده مذکور نرخ‌نامده‌لرده بو ماده‌لر قیمتی‌ده هم اونچه‌لیک تغییر کیلمه‌گن.