بو ییل افغانستان کوپینچه طبیعی حادثه‌لر گه شاهد ایدی. اوشبو ییل جریانیده، مملکت نینگ تورلی ولایت‌لریده یوز بیرگن سوو تاشقین و زلزله، اهالی گه کوپینچه قیین‌چیلیک و مالی زیان ییتیشتیرگن دیر.
سونگی کون‌لرده ولایت‌لردن قطاری یامغیر و سوو تاشقین‌لر گه شاهد ایدی که مذکور واقعه‌لر بیر قطار ولایت‌لرده کوپینچه مالی خساره‌لر یانیده، شونینگدیک اهالی گه جانی زیان هم ییتیشتیرگن.
طبیعی حادثه‌لر گه ییتیشیش بوییچه دولت وزیرلیگی‌ده قید بولگن آمار اساسیده، اوتگن بیر هفته جریانیده یوز بیرگن سوو تاشقین‌لر نتیجه‌سیده، ۶۱ کیشی هلاک و ۱۲۰دن آرتیق کیشی یره‌لنگن دیر. محلی منبع‌لر و مسئوللر تامانیدن ترقه‌تیلگن رقم‌لر گه قره‌گنده بیراق تلفات رقمی اوشبو گزارش‌لردن کوپ دیر.
بیزلرنینگ فیسبوک صحیفه‌میزگه باش اورینگ!
اوتمیش هفته یوز بیرگن طبیعی حادثه‌لرده کوپینچه زیان نی پروان ولایتی کورگن دیر که، اوشبو ولایت سونگی ایکی کون جریانیده سوو تاشقین و یامغیر یاغیشلر گه شاهد ایدی.
طبیعی حادثه‌لر گه ییتیشیش بوییچه دولت وزیرلیگی سوزلاوچیسی محمدنسیم حقانی نینگ سلام‌وطندار گه ایتیشیچه: «بیر هفته جریانیده قیغو بیلن ۶۱ کیشی شهید بولدی و ۱۲۰دن آرتیق کیشی ایسه یره‌لندی، تلفات‌دن کوپینچه‌سی نی پروان ولایتی نینگ سیاه‌گرد و شینواری تومنی‌لری کوتارگن که ۲۹ کیشی شهید و ۹۲ کیشی یره‌لنگن.»
شونده‌ی بیرحالده، نیچه کون‌دن بویان جوزجان ولایتی فیض‌آباد تومنی نینگ بالا مردیان منطقه‌سی یانغین گه شاهد دیر. حاضرگچه اوشبو یانغین نینگ سببی دقیق بیللی بولمه‌گن، لیکن اهالی گه کوپینچه زیان ییتیشتیریب و اوشبو منطقه یشاوچیلریدن کوپینچه‌سی نینگ آواره بولیش‌لری گه سبب بولگن.
بیزلرنینگ توییترده هم تعقیب قیلینگ!
گرچند یانغین نینگ بالشنگنیدن حاضرگچه نیچه کون اوتگن، بیراق طبیعی حادثه‌لر گه ییتیشیش بوییچه دولت وزیرلیگی نینگ ایتیشیچه، زیان کورگنلر سروی قیلماقده‌لر و حاضرگچه زیان کورگنلر گه یاردم ییتیشمه‌گن.
باشقه بیر تامان‌دن، طبیعی حادثه‌لر گه ییتیشیش بوییچه دولت وزیرلیگی سوزلاوچیسی محمدنسیم حقانی نینگ تصدیق‌لب ایتیشیچه، اوشبو وزیرلیک بودیجه و طبیعی حادثه‌لر گه ییتیشتیش اوچون امکانیت کم‌لیگی بیلن روپه‌ره دیر.
شونینگدیک حقانی نینگ ایتیشیچه، یاردم بیرووچی نهاد‌لر تامانیدن ارائه بولگن یاردم‌لر ییترلی ایمس و طبیعی حادثه‌لرده زیان کورگنلر گه یاردم بیریش اوچون کوپینچه سعی و حرکت بولماقده.