کابل ده افغان خصوصی تلویزیونی مسئوللری نینگ ادعا قیلیش‌لریچه، اوتگن کون (دوشنبه، ۳۰-جوزا) اسلامی امارت کوچلری اوشبو رسانه بناسی گه کیریب و برق پولی‌دن قرض‌دارلیک بهانه‌سی بیلن، مذکور رسانه ایشیگی نی مُهرولاک قیلگنلر.
اولر نینگ ادعالری اساسیده، اسلامی امارت کوچلری اوشبو ترماق ایشلاوچیلری نی حبس گه آلیش خصوصیده تهدید قیلگن.
بیزلرنینگ توییترده هم تعقیب قیلینگ!
اوشبو ترماق رئیسی احمد‌شاه افغان‌زی نینگ سلام‌وطندار گه ایتیشیچه، اسلامی امارت کوچلریدن بیری اوزی نی برشنا شرکتی نینگ رئیسی دیب و اوشبو رسانه بناسی نینگ تخلیه قیلینیشی اوچون ایشلاوچیلر گه اوچ کون وقت تعیین قیلگن.
اونینگ اورغولشیچه، نیچه ییل‌دن بیری اوشبو رسانه دولتی برق‌دن قوللنمه‌گن و قرضی هم یوق.
شونده‌ی بیرحالده، رسانه‌لردن حمایت قیلووچی نهادلر اسلامی امارت کوچلری نینگ بو اقدامی‌دن تنقید‌لب و ایتیش‌لریچه، رسانه‌لر قیین‌چیلیک‌لری قانونی یولدن حل بولیشی کیره‌ک.
رسانه‌یی نهادلر و ژورنالیست‌لر فدراسیون عضوی ظریف کریمی نینگ سلام‌وطندار گه ایتیشیچه: «افغان تلویزیونی و ایشلاوچیلری تامانیدن تخطی صورت تاپگن بولسه، کمیسیون آرقه‌لی حل بولیشی کیره‌ک، امنیتی کوچلری دخالت قیلیش گه حقی یوق و تهدید قیلیش هم قانون گه قرشی دیر.»
بیزلرنینگ فیسبوک صحیفه‌میزگه باش اورینگ!
بیراق برشنا شرکتی مسئوللری اوشبو ادعا نی رد قیلیب و سلام‌وطندار گه ایتیش‌لریچه، اولر قالگن پول‌لر نینگ آلیش اوچون بیر مهمان‌خانه گه بارگنلر، لیکن اوندن کیین افغان تلویزیونی نینگ اوچ جایدادی‌دن قالگن قرضی نی آلیش اوچون مراجعه قیلگنلری نی ایتگن.
شونده‌ی بیرحالده، افغان خصوصی تلویزیون رئیسی نینگ ایتیشیچه، سونگی کون‌لرده اوشبو رسانه اسلامی امارت کوچلری تامانیدن تیکشیریلگن و بیر مرته هم اوشبو رسانه ایشلاوچیسی اسلامی امارت کوچلری تامانیدن کلتک‌لنگن ایکن.
