آمریکا قوشمه ایالت‌لری افغانستان‌ده اوز حربی حضوری سونگی کون‌لریده، اوتگن ییل کابل هوا قونلغه‌سی یقینیده جایلشگن یشش بیر اوی‌ده هوایی هجوم اویوشتیریب، بیر قطار باله‌لر شامل کمیده ۱۰ کیشی هلاک بولگنیدن کیین، افغانستان نی ترک قیلدی.
سونگی آی‌لرده ۱۴۰۱-ییل ۸-اسد‌ده آمریکا حربی کوچلری نینگ اوچووچیسیز اوچاقی کابل نینگ شیرپور منطقه‌سیده بیر اوی نی نشانگه آلدی. اوشبو هجوم‌ده آمریکا حکومتی القاعده رهبری ایمن‌الظواهری نینگ هلاک بولگنی نی ادعا قیلدی. اوتگن ییل‌ده آمریکا تامانیدن اویوشتیریلگن هجوم‌دن یالغیز ایکی هوایی هجومی رسمی شکلده تصدیقلنگن. بیراق، رسانه‌لر افغانستان ده آمریکا تامانیدن کمیده اوچ هوایی هجوم اویوشتیریلگنیدن گزارش بیرگنلر.
بیزلرنینگ توییترده هم تعقیب قیلینگ!
گزارش‌لر اساسیده، هوا‌دن صورت تاپگنی ادعا بولگن هجوم‌لر، جاری قویاش ییل ۱۷-ثور، ۱۵-اسد و حمل آیی‌ده غزنی و هلمند ولایت‌لریده صورت تاپگن ایدی. بیراق اوشبو هجوم‌لر رسمی بیر منبع تامانیدن تصدیق بولمهگن.
شونده‌ی بیرحالده، افغانستان فضاسیده اوچووچیسیز اوچاق‌لر نینگ اوچیشی دوام قیلماقده و اسلامی امارت حکومتی، اونی تصدیق‌لب و توخته‌تیلیشی نی ایسته‌گن.
اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه: «اولر نینگ اوچووچیسیز اوچاق‌لری فضا‌ده دیر و حضوری بار. بو اوزی مملکتی‌میز نینگ فضایی حریمی گه نقض قیلیش دیر. بو ایش نینگ یکونلنیشی، مستقل‌لیگی‌میز گه حرمت قایل بولینیب و دوحه بیتیمی نینگ عمل گه آشیریلیشی کیره‌ک.»
مذکور هجوم‌لر نینگ صورت تاپیشی و افغانستان فضاسیدن اوچووچیسیز اوچاق‌لر اوچیشی نینگ دوام قیلگنی خواطر نی ایجاد قیلگن دیر.
حاضرگچه افغانستان فضاسیدن اوچووچیسیز اوچاق‌لر نینگ کیریش یولی بیللی بولمهگن؛ بیراق سرپرست حکومت نینگ ادعا قیلیشیچه، اوشبو اوچاق‌لر پاکستان یولی‌دن افغانستان فضاسی گه کیره‌دی.
حربی بیلرمان‌لردن صادیق شینواری نینگ ایتیشیچه، اوشبو وضعیت افغانستان فضاسی نی آمان قالمه‌یشی گه سبب بولگن و هر لحظه هوایی هجوم صورت تاپیشی ممکن.
بیزلرنینگ فیسبوک صحیفه‌میزگه باش اورینگ!
افغانستان هوایی حریمی گه آمریکا نیگ کریشی و هجوم‌لری، دوحه بیتیمی نینگ نامعلوم نقطه‌لریدن دیر که آمریکا و افغانستان نینگ حاضرگی حکومتی، دایم بیر بیرلری نی اونینگ نقضی گه عیب‌له‌یدیلر. دوحه بیتیمی اساسیده، افغانستان اسلامی امارت سرپرست حکومتی ۵ مرحله‌ده، افغانستان ده تروریزم بیلن قرشی کوره‌ش گه مجبور دیر. اسلامی امارت دایم اوشبو سوزلر گه پابند بولگنی خصوصیده تاکید قیلگن دیر.
شونده‌ی بیرحالده، جوبایدن بیلن حکومتی نینگ مدافعه وزیرلیگی شامل آمریکا حکومتی نینگ ییریک رسمی‌لردن کوپ قطاری افغانستان ده تروریزم نینگ تیکشیریلشی دوام قیلیشی خصوصیده تاکید قیلگنلر.